2008 Kawl Ralkap Phunghram Remhtu Dingah An Thim Mi Pa Pakhat Nih Committee Chungtel A Si Nak In A Rian A Chuak Diam

Kawl ralkap nih 2008 lio ah an rak ser mi phunghram pi zohtu dingah minung 45 an thim hna.cu hna cu 2008 phung hrampi remhnak ding caah committee chungtel le rian t’uantu hna an si.asinain 2008 phunghram pi remh t’han nak ding konghe pehtlai in committee chungtel pawl hna nih thil sining tein rian an t’uan duh lo caah kei cu committee chungtel kan si nak in ka chuak cang tiah Sep 2 ah U Sein Win nih Media pawl hna sin ah fiang tein a chim.

 

 

U Sein Win nih cun kum 2008 phunghram pi ser siam nak konghe pehtlai in phungning tein committee ser a si ko.a mah belte cu phungning tein phunghrampi sersiam nak ding kongah rian kan vun t’uan tik ah phunghram ser dingah an kan thim mi hna committee chungtel lila chungah bia thlithup tampi a um rih ruangah kei cu committee chungtel sinak in ka chuah nak cu a si tiah a chim.

 

U Sein Win hi kum 2008 phunghrampi ser siamtu dingah caah Maupyin pengtlang NLD in palai an thlah mi a si pin ah an mah petlang lei in NLD party chairman a t’uan cuahmah lio mi a si fawn tiah an chim.kum 2008 phunghrampi sersiam tu dingah committee chungtel pawl hna hi NLD lawngte an si.cu tik ah phunghram pi sersiam nak konghe pehtlai in Party dangdang in a rak chuak mi hna le NLD party in a rak chuak mi hna committee chungtel hna karlak ah i theihthiam lo nak tampi a um tiah a chim fawn.

 

 

Curuangah kum 2008 phunghrampi ser siam nak ding konghe pehtlai in NLD party in a rak chuak mi palai hna le Party dangdang in a rak chuak mi hna karlak ah i huat nak le i theih thiam lo nak ( idohnak) thil tampi um khawh a si cang.hi phunghram pi sersiam nak ding caah a pakhat nak ah cun phunghram sertu dingah an thim mi hna committee chung tel vialte hna hi lungkhat tein rian an t’uah khawh ta a herh tiah U Sein Win nih a chim.

 

Credit: chindwinpostmedia

Author: Salai Ephraim