2020 Chinram Hruaitu Hna Ithimnak Nih Miphun Vaivuanhnak Hram Maw A Vorh Chin Lai

Vaivuanh hrampi maw, funtom ithawknak thlaici dah.2020 Chinram hruaitu hna ithimnak nih miphun vaivuanhnak hram maw a vorh chin lai?Siloah miphun ifuntomnak aa thawknak thlaici dah a kheuhter thai laiMah hihi nan ruat cio ttheo lai.Miphun zawn taktak nakin mah zawn lawng ruat, mah chungkhar ca lawng hmu kho, mah khua ca lawng tuak pawl miphun aiawh in an laar chung cu.Kawl thlatang ah idor, pek dingmi icuh, ai cuh kho paoh laar, miphun dang hmai kutdok thiam cem paoh Khamhtu le Messiah phun in zumh, cu bantuk mito dirhmun cun kan pet kho rih men lai lo.Kan veipi hmanh i mito lungput a ngeih ahkhin cun, kannih pawl hna hi cu….mah le duh ning paoh i cawngthai mei ding khi si ko.

 

 

Relchap: Chin Ralbawizik pa le Ramkhel/Raltuknak Thluak Hmanthiam Strategist Nungak Nute kong.Hi tuanbia TV series a zoh cangmi zong nan um ṭheo lai.Tulukram Chin pennak a von lianhngan ka Yan miphun pawl he an rak ituknak kong in aa thawk.Chin Siangpahrang nih a nau chuakkhat tluk in a dawt i rocotu dingah aa ruahmi a ralbawi Chu Bei Jie cu raltuknak ah minthang taktak a si. Hohmanh nih an tei bal lo.Voi khat cu, Chu Bei Jie le a ralkap sing khat (100,000) nih Pu tiva kam ummi Yan miphun pawl penmi Puban khuapi an kulh. Puban khuapi chungah cun Yan ralkap 8,000 lawng an um.Yan ralkap pawl cu Yan siangpahrang hlun fapa nih a hruai hna. “Bawmchantu ralkap nih an hung kan chanh manh lo cun, kan ciam dih cikcek ko lai” tiah lungsivaang in an um.

 

 

Culio Yan siangpahrang nih bawmchantu ralkap kan kuat chap hna lai tiah a u pa fapa Prince of Jing An cu a rak hlen ziar.Chin pawl an lianhngan lio chan a si. Tuluk ram siangpahrang hme deuh tete cu Chin siangpahrang sinah kun in, anmah miphun chung tu ah cun, mah tein pennak a duhtu pawl cu an rak leirawi tawn hna.Cuti cun, Chin siangpahrang te phu nih an pennak a duh lotu paoh tapung ah an chiah hna.Bawmchantu ralkap an phan ti lo. Nain, rangleng pakhat telawng a va phan. Jing An bawi te sin-um Bai Ping Ting timi nungak nute a si.Bai Ping Ting i a pa cu arfi le thlapa, nikhua, le khuacaan umtuning zohthiam a rak si. A pa nih a rohtakmi theihngalhnak nih minute cu fiimnak a rak pek.

 

 

Bai Ping Ting nih tingtang a tum. Jing An bawifapa nih Chu Bei Jie cu pumpak iṭhuat dingin a va zuamcawh.Tingtang aw ning zulh in Jing An bawifapa cu a cawlcang ding a si. Minu tingtang tummi nih a kirter cun, tapung ralbawi pa cu khua haukulh chungah a rannak in kir ṭhan dingin bia a tiam cia.Chin ralbawizik minthang Chu Bei Jie le Jing An bawifapa cu tiva hlei cungah an ṭhua. Chaklei van ah minmei an chah chin lengmang. Khua a hun tur i ruah a sur pah thluahmah cang.Caan sau deuh an iṭhuat ahcun, Jing An bawifapa nih celh dawh si ti lo. Aa hnek chih ve.Ruah a von tuk cang ti bakin, tingtang aw nih kir cang dingin theihternak a tuah. Jing An bawifapa cu Puban khuapi haukulh lei ah a tli thluahmah.”Chu Bei Jie, kan khua na lak ngam ahcun, rak ka dawi, ka iphomh hna lai cu,” tiah a hei hro ta i a zaam diam.

 

 

Chin ralkap pawl nih, “Dawi uh, Puban khuapi cu la hlah usih,” tiah an ihrocer. Ruah a sur thluahmahmi zei ah an rel lo.Chin ralkap pawl cu Puban khuapi lei ah a tomtom in an ikhawt.Chaklei in tilian nih a tlunh ciammam hna i khuapi hauka an phanh hlanah ti nih a fenh thluahmah hna. Chu Bei Jie cu tilian in a luat fangfang te khi a si.Chu Bei Jie nih “tingtang tumtu hodah si?” ti hngalh a duh. Bai Ping Ting nih “Chu Bei Jie ka thah khawh ahcun, kan ram ah raltuknak a um ti lai. Ral ruangah an pasalle nih thih takmi nuhmei an karh lengluang ti lai lo,” ti in a ruah ve.Chu Bei Jie nih tingtang tumtu cu nute a rak si ti a hngalh tikah a khuaruah a har. Cun, a duh colh fawn. Hi nu lengin midang hohmanh ka ṭhi lai lo, tiah aa seh chih.Minu nihcun thah a zalh peng.”Intro hla hrim cu a ngaih kan huam peng” an timi Croton Mega Hit TV series a si.

Credit: Salai C Alexander