Vawlei cung chantiluan ning le a tu lio Laimi kan tiluan ning zoh tik ah nikhat hnu nikhat in mah le mah i thah nak,mah hngallo in lungrawknak a si lo ah lung i tuai nak le ningcang lo thil tuah duh nak thinlung a kan puttertu cu,a fawi nak kan chim a si ah cun”sualnak”in a chuak deuh cem mi a si.cucu zei tin dah a thok tiah ah cun “ZU” din nak in a thok bik.Minung fa a si mi nih zatlak puicimhnak a tong lo mi kan um loh.asinain vanchiatnak kan ton tik ah a bik in kan nih Laimi cu “ZU” kan hlam cawlh.
Vawlei cung mifim thiam hna nih an chim lengmang mi cu America ram pi hmanh khi vawlei pi nih zohchun mi ram a si na in America ram khi kum fa tin in 2 million tluk minung cu “ZU” din nak ruangah mah le mah a that mi le a molh i khua a tuaktan kho lo mi an um peng tiah an chim.a tu ah cun kan nih Laimi zong vawlei cung hmun kip ram kip kan phan vawlei cung thil sining kan theih khawh a t’ha tuk na in miphun dang nun kan cawng t’han tik ah miphun dang nun cu kan sining nih a zo fawn t’unglo.
Miphun dang nih an tuah mi paoh tuah i tim in kan taksa tiang in ningcanglo in a tuah mi tampi kan um cang.pakhat le pakhat i pehtleihnak ah le i hawi komhnak caah a pakhat nak ah”ZU” kan hman cang.vawlei cung Laimi thawngpang theih tik ah cu ka cu a mah le a mah a that ti lengmang a si.an thawngpang vun hlat tik ah a nih cu “ZU” a rak ding i,lungrawk in a la mi a si tiah theih t’han lengmang an si.kan rawk nak a hrampi cu ZU lengmang a si.kan nih Laimi caah cun “ZU” hi rak um hlah sehlaw a rak t’ha bik ko hnga mu..
ZU dinnak nih a chuahpi mi zawtnak le a tu lio vawlei cung hmunkip Laimi nih kan i buaipi mi hi rak rel law a hman na ti ve maw?na rel dih hnu ah na hmuh ning nang mah siarem ningin comment nak ah rak langhter khawh a si.ZU hi hrial kho usih law mah le mah i thah nak le lungrawk nak vialte hna hi an lo dih ko hngalo maw?ZU dinnak nih a chuahpi mi zawt nak,”Nathin a ro car lai,na cuap a ro car lai i na thawchuahnak thari vialte an pit lai,na thi an reu lai,na thluak a reu lai i,zei thil hmanh na cinken kho lai lo,khua fakpi in na ruak kho lai lo,mah le mah i huat nak thinlung an put ter lai,na Lung tur a rang lai i,na t’ih bal lo mi zong na t’ih lai,na mit a maw lai,mi si lo an chim ter lai,mah hngallo in um nak thinlung an puter fawn lai”.
