Acaan a nei chin leng mang,thinphang dailo a si chin lengmang ko.a tutan i MMA One Championship ah i phomh dingin Aung La N Sang a singkhawtu Philippines ram mi Brandon Vera cu Aung La N Sang caah cun thinphang ngai a si ko.an taksa le an pumrua,an cawlcangh ning zoh tik ah Aung La N Sang nih a tei bak lai tiah chim ngam a si bak loh.Brandon Vera cu a t’hawn pin ah a khup le kio tibantuk a hmang thiam taktak mi a si.
Asinain Aung La N Sang nih Brandon Vera cu zei hmanh ah a rel bak lo ti a lang.a rak ngamh taktak ve khi a si.Aung La N Sang cu Japan ram a phan cang i a chim rih mi cu,”Brandon Vera tei nak dingah cun ka hman bal lo mi kuat dang RUL nih mi a cuk lai ah mi a ngerh dihta tawn,cu tibantuk in kei zong nih Brandon Vera cu a ngerh bak in ka ngerh lai i cawl kholo bak in mipi hmai ah ka tuah lai,ka tei hrimhrim lai”tiah a chim.
Cun,Aung La N Sang nih a chim t’han rih mi cu midang ka tei nak hna hi RUL an hnawngin ka ceh chih tawn hna i an celh lo caah cikhat teah ka tei lengmang hna.a mah belte midang hna nak cun Brandon Vera cu a pical deuh mi a si caah ka hman tuk lemlo mi ka thian nak tu hmangin mipi hmai ah ningcang tein teinak ka hmu hrimhrim lai.Brandon Vera tei nak caah kei mah le kei mah ka bochan i Pathian nih kutke tlamtling tein a kan pek mi hmangin ka tei hrimhrim lai tiah a chim.
2019 March 31 lio ah Japan khuapi Tokyo ah an rak tuah mi ONE A NEW ERA puai lio ah khan Aung La N Sang le Japan minthang Ken Hasegawa hna cu middleweight world champion an rak i cuh i,Aung La N Sang nih round 2nak ah a rak tei.curuangah Brandon Vera nih a luh hnawh i Light Heavyweight iphomh dingin a challenge tik ah Aung La N Sang nih fawi taktak in a cohlan cawlh.an pahnih thiamnak le thilti khawh nak kongah Aung La N Sang nih a chim mi cu kan thlak chiak nak le kan thilti khawh nak kan i khat bak.cucaah ONE CENTURY cu October 13, Japan Tokyo khuapi ah Light Heavyweight World Championship cu a ho dah a co te lai ti cu kan theih ko lai tiah a chim.
Source: Mizzima
