Cu Thawngpang Cu A Hman Hnga Maw? Kawl Ralkap Le CNA I Fonh In AA Tuk An Timh Hna Ti A Si Ko Cang Hi Teh

Myanmar Army page nih thanhnak a tuah mi hi rak ngai ve hmanh.Kawl ralkap le CNA/F i fonh in AA tapung pawl cu kah/doh an timh hna tiah fiang put in a chim.a tang lei ah a video link zong kan chiah chih mi hi rak ngai ve hmanh mu.kan theih bantuk in Chinram kulh a si mi Paletwa ram chungah AA nih buaibai nak an tuah chung hi kum 5 tluk a si cang.zei sual nak a ngeilo mi AA nih an thah hna i inn lo kal tak in hmun kip le ka kip ah an i dor,an sining cu ni fa tin ti awk in kan theih.

Paletwa ram kulh chungah CNA/F nih um hmun an rak sual lio ah cun AA nih khi hmun ah zei hmanh an rak tuah ngam loh. pakhat le pakhat an rak i thei thiam.asinain Paletwa in CNA/F pawl an chuah hnu ah AA nih caan t’ha ah a ser i ningcang lo in mi a thah hna pin ah Paletwa ram kulh cu kan mah ta ti bak in thanhnak an rak tuah cang.Cun, Paletwa ram kulh chungah AA nih Company le an mah rian t’uan nak zung lian mi pawl zawng a tu hi ser le sak an i tim tiah theih a si fawn.

 

Paletwa ram kulh chungah AA nih thil an rawh mi le Civil mi an thah mi hna siseh, AA ruangah thil a cangmi vialte hna hi CNA/F lei nih cun felfai tein record an i tuah dih ti a si.Curuangah CNF ralbawi pakhat nih a chim mi cu khi hmun le ram ah AA an cawlcangh ning cu zoh sawhsawh awk an si ti lo.a herh a si ah cun thisen chuah duh lo bu zongah thisen chuah a hau ko cang lai.hi kongah Mipi sin zongah theihter nak zong kan tuah dih cang tiah a chim.

Cun,Paletwa ram kulh chungah AA nih duh paoh in an cawlcangh nak konghe pehtlai in Kawl ralbawi Min Aung Hlaing Chinram a kal lio ah thli thup in Chinram kulh hruaitu hna he biaceih t’i nak an ngei.a sinain cu bia an i ceihti mi cu mipi nih theih khawh a si rih lo tiah theih a si fawn.

Credit: Video Myanmar Army Page