Chin ramkulh Hakha khawpi ah General Aung San zuk lem le Panglong Agreement a rak tuahtu hna kan Pasal t’ha minung hna he zuk lem zong hmun khat teah an tar a si ah cun kan duh ko lai tiah hna tlak nak kan tuah tiah Hakha sipin hruaitu Pu Lian Sa Vung nih a chim.a mah belte General Aung San zuk lem le Panglong Agreement a rak tuahtu hna kan Pasal t’ha minung zuk lem tarnak ding hmunhma cu a fiang rih lo.zeicatiah Chin miphun pasal t’ha Panglong Agreement a rak tuahtu hna minung pathum lungphun ding ti mi ah biafiang a um rihlo.
Chin pasal t’ha minung pathum lungphun chih ding ti mi an kan lungtlinpi hnu lawnglawng ah General Aung San zuk lem he lungphun nak ding hmunhma cu ceih t’han a si te lai tiah a chim.General Aung San zuk lem tar nak konghe pehtlai in Hakha mipi kan i funtom nak bik cu General Aung San lem an tar a si ah cun Chin pasal t’ha Panglong Agreement a rak tuahtu hna minung pathum an tar chih ve ding lawnglawng ah General Aung San zuk lem cu tarter an si lai ti hi a si a ti.
Cun,Mipi kan duh nak an kan cohlan a si ah cun General Aung San zuk lem cu Hakha, Kankaw lam cung khuacuanh nak hmun ah tar piak hna dingin Sipin lei nih cun timhtuahnak kan ngei i a hmunhma kongah nawlpatnak zong kan rak tuah bal cang tiah a chim.asinain General Aung San zuk tar nak dingah a hmun hma kan hal mi cu ramkulh a cozah nih ceihkhan nak a tuah hnu ah tawlrel t’han a si te lai tiah a chim fawn.
Chin pasal t’ha Panglong Agreement a rak tuahtu hna hi Pu Hlur Hmun (Falam), Pu Thawng Za Khup (Tedim) le Pu Kio Mang (Hakha) hna an si.HCN hruaitu Salai Thawng Cung Nung nih cun Hakha mipi hna nih Hakha khuapi chungah General Aung San zuk lem tar cu an duh bak lo.asinain Panglong Agreement a tuahtu hna philhlonak an kan tuah piak a si ah cun kan duh ko lai tiah hruaitu upa te a tam u hna tlak nak a si tiah a chim.
Credit: chindwinpost
