A Kawl Cozah Ruangah Vawlei Cungmi Vialte Hna Lak Ah Kawlram Mi A Man A Niambik Mi An Si

Kum 2019 june 20 ah khan American ram nih kum 2019 chungi vawlei cung ram vialte hna (human trafficking) a tam cemnak ram le hlawhhlang rian a t’uanmi hna an man kongah thawngzamhnak an tuah.cu chungah cun Kawl ram mi hlawhhlang rian a t’uan mi hna cu a pathumnak ah a chiah hna pin ah a man a tlawmcem mi hna lak ah Kawl ram hlawhhlang pawl cu a chiah hna.cun zei ruangah dah Kawl ram mi hlawhhlang pawl hna cu mah bantuk in an man a niam tiah cun a cozah rian t’uan nak a t’hatlo ruangah a si tiah an chim.

Kawl ram a cozah nih cun a ram le mipi hna humhimnak caah tuah a timh mi le rian t’uan a timh mi hna cu tuah taktak t’unglo in a chim lawng a chim leng mang ruangah a ram mipi hna man a niam khun nak hi a si tiah an chim.cun Kawl ram chungah minung a fir mi hna le ningcanglo in a taksa t’ee a zuar i,a firtu hna kongah Kawl cozah nih cikhat ah biachahnak a tuah khawh ko na in,biachahnak taktak duh huaha lo in le biachahnak a tuah mi hmanh pehzulh in rian a t’uan duhlo tiah an chim.


Cun, Kawl ram chungah hi tibantuk in minung taksa t’ee a firtu hna he pehtlai in a kawl cozah rian t’uantu hna chungin cu hna pawl cu i pehtlaih nak zong an rak nei.cu ruangah cun an chim lawng an chim i,a tak in a t’uan ngamlo nak taktak cu a si tiah an chim fawn.cun Kawl cozah nih a ram misual hna thong a thlak mi hna zong khi,an cozah nih phunghram a ser ning in biachahnak a tuah piak hna lo.a cozah ralkap nih an duh paoh in an vuak an velh hna pin ah thong an tlak caan leng tiangin rian an t’uanter hna i hremnak an pek hna tiah an chim fawn.

Cun kawl ram mipi hna chungah an taksa t’eefir a tawngmi hna le ningcanglo on fir i hlawhhlang rian an t’uanter mi hna hi a tam bik cu Rohingya miphun hna an si tiah an chim.mah miphun hna hi tibantuk in fir le tleih a tawngmi hna hi a hrampi cu kawl cozah ralkap ruangah an si tiah an chim.Kawl ram mi kum 2017 ah China ram ah zuar a tawngmi hna hi Nu le tleihrawl minung 532 renglo an si.kum 2018 ah 350 an si tiah an chim.

Credit: Free

Author: Salai Ephraim