Kum 2020 Rampi ithimnak ding konghe pehtlai in Chin ramkulh chung ah vote a thla kho dingmi hna minung 60000 renglo bak in an karh tiah Chin ramkulh Election Commission nih thawngthanhnak a tuah.Chin ramkulh Election Commission chungt’uan U Kyaw Lyn nih a chim ningah cun 2020 ithim tik ah a tu i kum 18 a tling rih lo na in cikhat ah kum 18 a hung tling dingmi hna zong kan telh chih hna tiah a chim.
Kum 2014 tiangah khan cun kum 18 in a cung lei vote a thla kho dingmi hna hi Chin ramkulh chungah minung 5000 hmanh an tling t’hit’ha lo tiah a chim.asinain a tu ah cun Chin ramkulh chungah vote thla kho dingmi hna hi minung 60000 renglo an si.cun, vote duh tawk in a thla kho dingmi hna kum 18 cung minung hi 50000 renglo an si t’hiam tiah a chim.kum 18 cung vote a thla kho dingmi hna lak ah hin hmun dang dang a um mi hna zong telh chih an si pin ah a cozah rian t’uantu hna zong telh chih an si.
Hmun dang tiah kan langhter mi hna hi ramthum nak ti si lo in Hakha khuapi chung Sianghleirun a kai mi hna an si,cu tibantuk in mibu dangdang a um mi an um caah hmundang tiah kan langhter mi hna an si.cu hna pawl nih cun an duh a si ah cun Khuate min bunh in vote an thlak khawh i khuapi lei zongin vote an thlak khawh.a zei a va si hmanh ah 2020 ithimnak ah vote thla kho dingmi hna hi 60000 renglo in an karh tiah a chim.
Chin ramkulh chung vote thla kho ding min Cazin ning tein a si ah cun 2015,2017,2018 chungah vote a thla kho dingmi hna minung cu 275418 tluk an si i,kum 2020 vote thla kho dingmi hna hi 342613 an si.cu chungah a tu hi minung 67195 tluk in an karh ti nak a si.2015 lio ithim nak ah khan Chin ramkulh chungah hmun 1031 ah vote thlak nak rak tuah a si.2020 ah cun vote pek nak hmun hi hmun 1087 ah tuah a si te lai tiah a chim.
Credit: chindwinpost