Brazil ram a cozah nih cun a ram chung state dih lak chungah mithat,lainawng pawl hna cu dothlatnak felfai tein an vun tuah ciammam i misual lainawng pawl hna cu nikhat chungah minung 968 bak tleih an si tiah Brazil National Council of Civilian Police Chiefs nih a chim.
Cun Brazil ram ah a tu bantuk in palik hna nih a ram chungah mithat,lainawng hna konghe pehtlai in rian a t’uan hi a voi 2nak a si.cun Brazil ram chung state dih lak chungah palik duty tuahtu hna nih cun an rian t’uan ning le a tuah mithil vialte hna cu a dipdiar bak in social media ah an chim phuan peng cang tiah an chim.
Cun Palik nih an rian t’uan lio mi cu mah hi a si tiah muicawl video bak in report nak an i tuah peng fawn.cun Brazil ram chungah mi pakhat nih thil sual a tuah ah maw,mi a thah ah maw,asi lo ah thil t’halo pakhat khat a tuah mi vialte zong palik nih cu Nu cu Pa hna cu video in an record hna i an ram pumpi theih ah social media ah cun an tar hna tiah an chim.
Brazil palik bawi min langhter lo mi pakhat nih cun kan ram chungah mah bantuk thil kan tuah mi ruangah hin Brazil ram chungah thil t’halo a chuak ding le thil t’halo tuah a tim mi vialte hna cu 100% ah 70% tluk cu a ven i thil t’ha ngai a si tiah kan ruah tiah a chim.cun a tu bantuk in a voi 1nak an rak tuah lio ah hin nikhat chungah misual minung 3,000 bak an rak tleih bal cang hna tiah an chim.
Source: CNN
