Kawlram in Thailand ram chungah rian t’uan dingin le thil dangdang ruangah a va kal i ruahlo pi ah thih nak a tongmi hna hi minung 600 an tling cang tiah theih a si.cun, kawlram mi a thi cangmi hna an ruak minung 600 hna cu Thailand cozah nih ruak khan ah t’ha tein a chiah hna i mithi chungkhat hna nih mithi ruak cu an duh a si ah cun ningcang tein Thailand cozah sin ah hal khawh a si cang tiah LPN nih thanhnak an tuah.
LPN rian t’uan nak buu hi Bangkok khuapi pawng teah a um mi Samuaksakhun district Mahachaing hram bunh in an dirh mi a si i,hi rian t’uan nak ah hin Laos, Myanmar, Cambodia, Thailand ram in palai an ithlah hna i cu an dihlak fonh in rian t’uantu buu LPN an si tiah an chim.LPN hruaitu pawl hna nih cun Thailand ram chungah kawlram mi hna mithi ruak cu a tu ah minung 600 ruak a um i,mithi hna an chungkhat le rualchan pawl hna nih mithi ruak cu lak an duh a si ah cun phungning tein mithi chung khat an si le si lo cu an DNA kan zoh lai i chungkhat an si ko ah cun t’ha tein ruak cu pek an si lai tiah an chim.
Cun, mithi ruak konghe pehtleih in cu tibantuk in rian t’uan kan i timh mi cu Buddhist pawl hna nih cun an ruak hi khangh dih an duh cang.mithi ruak kan chiah mi chungin a tam u ruak cu mi zei hmanh nih kan mah chung an si tiah pehtleih nak thawng zei hmanh kan theih lo caah caan saupi kan chiah cangmi hna zong an um fawn.mithi cu kan mah le ram cio ah kan i phum awk le chungkhat nih mah lungtling tein vuinak a si lo ah khangh nak kan i tuah awk a si tiah Thailand CID Mrs. Natapon nih a chim.
Thailand ram nih ram dangmi hna a ram ah a rak tlawng i ruahlo pi ah hi tibantuk in a thi mi hna ruak hi minung 1000 renglo ruak an um i,cu chungah minung 600 ruak hi cu Kawlram in Thailand ram ah a rak lutmi hna ruak an si tiah a chim.a dang pawl hna cu Laos ram le Cambodia le ramdang dang in a rak lut mi hna an si tiah a chim.cun, Thailand in Kawlram lei ah mithi tlunkal pi nak ding caah buaibai awk a um lai lo.Thailand cozah nih chawva dih lo tein a tawlrel pi hna lai tiah a chim.
Credit: chindwinpost
