Leng dawh Ma Aye Eaindra Maung nih cun October thla 10 ah khan nikhat chung lawng Norway Ambassador rian a tleih.nikhat chung lawng Norway Ambassador rian a tlaitu Leng dawh Ma Aye Eaindra Maung hi kum 20 minung lawng a si rih.cu pin ah Ma Aye Eaindra Maung hi Plan International rian t’uan nak Girls Takeover programe chungah rian t’uantu pakhat a si.hi ruangah nikhat chung Norway Ambassador rian a tleih khawh nak hi a si tiah October 15 ah thanhnak an tuah.
Ma Aye Eaindra Maung nih nikhat chung Norway Ambassador rian a t’uan chungah Yangon khuapi chungum Embassy rian t’uantu bawi vialte hna he lungduh tonbiaruahnak an ngeih khawh pin ah cu lung duh biaruahnak meeting ah cun a mah nih a t’hit hruai hna tiah theih a si fawn.cun,UN Security Council ah chairman si kho dingin Norway nih rian a t’uan nak le timhlamhnak an ngeihmi kongah Ma Aye Eaindra Maung nih ruahnak tampi a cheu fawn hna tiah an chim.
Cu pin ah Norwegian Church Aid chungtel pawl hna cu Social Media konghe pehtlai in ton biaruahnak an ngei i cu ton biaruahnak ah Social Media ah tarlangh dingmi le langhter lo dingmi kongah ruahnak tampi a cheu fawn hna.Ma Aye Eaindra Maung nih nikhat chung te lawng Norway Ambassador rian a t’uan chungah meeting voi 10 bak a tuah khawh tiah an chim.hi konghe pehtlai in a mah Ma Aye Eaindra Maung nih a chim mi cu,”Nu nih Ambassador rian t’uan cu a har ngaingai mi a si pin ah ka tha zong a ba ngai na in kei mah pumpak hrimhrim in thazaang tampi ka ngah”tiah a chim.
Cun,Vawlei cung Ambassador rian zong t’uan cu ka duh ngaingai!kei mah bantuk in Nu a si mi hna mino vialte hna zong nih hruaitu dirhmun kan tleih khawh nak hnga caah biatak tein zuamnak thin lung he fak pi in rian t’uan ko hna usih tiah forhfialnak bia zong Ma Aye Eaindra Maung nih cun a chim.Ma Aye Eaindra Maung bantuk minung hi Myanmar ram chung chanthar (new generation)ah cun an um lo ti awk a si.cu pin ah Kawlram Nu vialte hna ai a awhtu zong a si tiah Norway Ambassador Tone Tinnes nih a chim.hi ruangah Norway Embassy zong nih Ma Aye Eaindra Maung sin ah lunglomhnak bia zong a chim.Ma Aye Eaindra Maung hi a tu ah Yangon university Sianghleirun ah International Relation major in a kum hnih nak Ca cawng cuahmah lio mi a si.
Ref: Duwun
