India ram a si mi Haryana State ah Nu pakhat nih cun a pasal Nu pi cu a pasal um lo kah ah a phomh ciammam i cei lak in pasal nu cu a rak vuak.a pasal nu hi a kum khua lei cun kum 80 a si cang i a taksa hi a der thawm ngaingai pin ah a kee cu a zeng i cawlcang kho tuk lo in a um.a fa pa nih inn lengah ih khun pakhat a ser piak i cu ih khun cungah cun a ihter ta tawn i rian t’uan ah a kal tak tawn tiah an chim.
Mah Nu nih a pasal Nu a vuak lio cu a thli in video an rak record piak tik ah cu video cu online in phozar a hung si tik ah Haryana State chung ah Chief Minister an lak thar mi Pu Manohar Lal Khattar nih cu video cu a hmuh tik ah a thinhung tuk i cu pitar kum 80 a vuatu nu cu a tuahser mi tluk tein hremnak pek dingah order a chuah tiah an chim.
Hi tibantuk thil a cang nak khua hi Haryana ram chung khuapi a si mi Mahendragarh khuapi ah khuasa mi an si.a mah belte mah hna chung hi an min langhter an si lo i a pasal nu a vuak lio video belte cu fiang tein hmuh khawh a si.
Chief Minister an lak thar mi Pu Manohar Lal Khattar nih cun kan ram chungah ningcanglo in a tu bantuk in a hrin mi a fa cunga h le an cingla rual chan hna cungah thil t’halo le ningcanglo in a cawlcang mi hna cu phungning tein an cungah dantatnak pek an si cang lai tiah a chim.
Source: ndtv.com
