A Poi Khotuk Tuzan Hakha Ralhrang Kuanfang In Minung Pathum Hliam An Tuar

SAC ralkap pawl kut in Hakha khuami minung pathum meithal kuanhma an pu. September 18 zaan suimilaam 8:00 in Hakha khuapi chung ah meithal le bomb puah thawng theih a si than i, meithal le bomb kuan nih khuami minung pathum a khen hna i faak ngai in hliam an tuar tiah thawng kan theih.

Hi kong he pehtlai in khuami pakhat nih, “Suimilaam 8:00PM hrawng in khuachung ah meithal le bomb puah thawng kan theih. Cat loin meithal le bomb hmun li nga in a puah thawng kan theih. Atu tiang thawng kan theih ning ah khuami upa pakhat le ngakchia pahnih kuan hma in hliam an tuar.

Hliam an tuar ning hi a fak pah. Atu zong thawng a dai rih lo.”tiah The Hakha Post ah a chim. Meithal le Bomb kuan hma a tuar mi hna hi Keitheibo sang in upa pakhat le Chin Oo Shi sang in ngakchia pahnih an si.

Ngakchia pakhat hi an lu, pakhat hi a kut le a ke ah a khen hna i, upa pakhat hi a phei ah a khen tiah kan theih.Hma a pu mi le inn, thilri a rawk mi dang zong a um kho rih.

Credit: The Hakha Post

Author: Salai Ephraim