A Poi Sual Te Lai Maw Hi American Nih A Ram Chungum Saudi Arabia Ralkap A Thawl Dih Hoi Hna Lai

Saudi Arabia ram hi Western Asia ram chungah cun “officially the Kingdom of Saudi Arabia” tiah an kawh mi ram a si bantuk in Middle East ram chungah khuapi pakhat a si ve.American ram le Saudi Arabia ram hi tu kar hrawng cu biatak tein i pehtleihnak an ngei i,an vun idaw thiam ngaingai kan ti lio ah American nih a ram chungah Saudi Air Force officerr alkap training a pek cuahmah mi hna cu t’hawldawi dih dingin biachahnak a tuah t’han hoi.

Hi konghe pehtlai in BBC nih a chim nak ah cun,”American ram chungah a um cuahmah mi le training a tuah cuahmah mi Saudi Air Force officer hna chungin minung pakhat Lt. Mohammed Alshamrani nih cun Florida,American naval team pawl hna cu ningcang lo in a va kah hna ruangah minung pathum nun nak a liam ruangah”a si tiah fianternak a tuah.asinain The Justice Department nih cun thil sining fian tein theih khawh a si lo caah dothlatnak tuah cuahmah a si tiah a chim.

Cun thawngzamhtu AF zong nih Saudi Air Force officer nih Florida,American naval team a kah nak ruangah US ralkap minung pathum an thi tiah thanhnak a rak tuah bal cang.hi tibantuk in thil a can lio hi December thla 6.2019 lio ah khan a si na in thil umtu ning cu Pentagon nih dothlatnak a vun tuah chin lengmang tik ah Saudi ram uk bawi pawl hna nih Saudi Air Force officer sual a tuahtu hi an dirkamh mi an lawh ruangah biafiang theih khawh hlan chung cu training pek cuahmah a si mi cu ngolter dingin biachah nak a tuah.

Saudi Air Force officer pawl hna kongah Pentagon nih fianternak a tuah ningah cun American nih Saudi Air Force officer pawl hna training a pek mi hna lawng si lo in Saudi military student 850 hna zong pumpak tete in an sining le an cawlcangh ning dothlatnak ngeih dih an si lai pin ah traning a tuah cuahmah mi Saudi Air Force officer pawl hna cu an ram ah kirter dih an si lai tiah a chim.

Source: Time