Kawl ram mi Nu zei maw zat hna cu a thlithup in Thailand, Singapore, China, Malaysia lei ah kalpi in mi zuar a hmangtu hna Nu minung 27 hna cu Ca cawn ni 6 ni zaan ah khan Thailand ram le Malaysia ramri Hat Yai khuapi chungah ruahlo piin tleih khawh an si tiah Kangkok post nih a chim.
Mah an tleih mi hna Nu pawl hna nih Kawl ram Nu an zuar ning hna cu Kawl ram hna cu Malaysia ram luhpi dingah an kalpi hna i Malaysia an phenhpi hna hlan ah lampi a si mi Thailand le Malaysia ramri Hat Yai gold lentecelhnak hmun ah ni 5 chung bak rawl lo bak in an umpi hna pin ah Nu zei maw hna cu, cu ka hmun ah cun an zuar beh mi hna zong an rak um tawn tiah an chim.
A mah belte an tleih mi hna chung in minung zei maw hna cu kawl ram mi an si lo i micheu hna cu miphun dang hna an si caah kawl ram mi hna cu Hat Yai palik hna nih kawl ram chungah kuat t’han i kawl ralkap sin ah pek a timh hna tiah an chim.
Cun mah bantuk rian t’uantu hna kawl ram mi hna nih mi zei bantuk he dah i pehtleihnak an neih ti cu fiang tein theih khawh a si rih lo caah Hat Yai palik pawl hna nih cun dothlatnak zong kan tuah cuahmah lio tiah an chim.
Ref: VOA
