Rohinya miphun minung 58 hna cu a thlite in Malaysia ram ah luh an i tim i Bangladesh rili kam ah a cozah nih ralvengtu a chiah mi hna palik pawl hna nih an i relh lo karlak ah an dih lak in an tleih hna tiah theih a si.cun mah hna pawl nih hin tilawng a t’ha huaha lo mi cit an i tim i an tilawng a t’ha tuk lo mi cu an i cit lai ah an remhta ruangah an mah lam a hruaitu hna minung pahnih hna he tleih an si tiah an chim.
Cun Rohinya pawl hna nih an i citmi tilawng hi Bengali pawl hna tilawng a si.tilawng in Malaysia lei ah luhpi a timtu hna zong hi Rohinya minung si lo in Bengali miphun an si tiah an chim.cun hi Rohinya pawl hna cu Kuto palawng ralzam camp ah a um lio mi hna an si,zei tin dah mah bantuk in an um kal khawh hnga tiah dothlatnak zong an tuah cuahmah tiah an chim.
Cun a tu lio kawl ram lei sining cun Furpi ruahti a tam lio caan bantuk a si caah rili cung khual tlawn nak ding caan ah cun t’ihnung ngaimi a si.Bengeli tilawng in Malaysia ram ah a kal tawn mi tilawng dangdang hna hi cu March thla hlan ah an um kal tawn i,March thl a hung chuah bak cun an khual tlawn caan cu mi tampi nih an mak/idin tawn.
Cun Bangladesh palik nih an chim ningah cun Rohinya ralzam pawl hna hi (puaisa) pakhat khat nih chawhlehnak ah hmang hna sehlaw a lo,zeicatiah a tu tik hi tilawng in khualtlawn caan le um kal caan a si lo.Rohinya pawl nun nak cu phaisa in thlen an timh biatu a si caah an puaisa pawl hna cu biatak tein dothlatnak kan tuah lai tiah a chim.
Chirhchan: freechinland