A Tu Dohthlennak Kan Tuah Cuahmah Lio Thantlang Khuapi Ser Siam Le Remh Kong Rak Chim Ti Hlah Uh

THAN TLANG KHUA REMH ȚHAN NAK KONG AH, KA HMUH NING.Thantlang khua remh nak ah, Atu lio Sale ral lak ah cun, Asi thiam rih lo, kan Lai phung thluk ah, “Lungcung cuang le Thingpar va”, ti Asi, Lungcung ah Acuang mi Lung cu, zeitin Arilh lai le Atlak lai Ai thei lo bang, Thing par ah Ai fu mi vate zong khoi Azuang lai Ai theih lo bantuk in, Atu koko ah cun, kan ram si ning in, zei hmanh Ai fiang kho rih lo caah, Atu i remh ding cu Asi thiam lai lo.

Ralhrang nih kawlram ah, Inn le lo an duah an khangh mi Atampi ko nain, Khuapi (မြွို) pakhat Asi mikhua khangh i zam taak viar mi khua cu Thantlang khua lawng Asi, van chiat lei ah,kawlram chung lawng si loin, vawleu Pumpi le UN tiang Ahnin tu khua Thantlang Asi.Azei bantuk Asi zong ah, ral tei ta phot Ahau ko,

Ral kan tei tik ah cun, Atu lio i Ralhrang bawi Pipi le ralhrang he Apeh tlai mi, Compony Mirum pawl An neih chiah vial te Chuh dih (သိမ်း) An si te lai, Atu MinAung hlan nei mi hmanh Atam in Atam taktak sii, Cu caah, khua an khangh mi vialte bomh Asi te lai, UN lei in si seh Adangdang in bomh nak Aum te lai caah Atu nak in Dawh deuh le Țha deuh in sak mi, Thantlang Asi te lai,Ramthum nak i Aum mi, kan fa nau le International fim thiam nak An cawn mi, Engineering lei cawng mi nih An sak te lai caah, Apitling mi khua dawh Asi te lai ti ruah chan nak nganpi he.

Credit: SangLing Thantlang.

Author: Salai Ephraim