A Tu Hi Chinram Sersiamnak Caah Khuazing Nih Lam A Kan Onh Piak Cang

Chin mi nih kan herh rih mi cu azei lei paoh ah, rih zaan (balancing) ikhah hi asi. Cu ti siloin a ttuan mi nih ceiko ttuan. Phaisa chawva thawh mi nih ceiko thawh. A thawh duhlo mi nih thawhlo lawng silo’in mi va pamh, va ngiar, va sawi kan hmang. Tutan kan ram pumpi abuai hi ka chan chung avoi hnih nak asi.

Vulei nih violent cu tha ape lo. UN cu remnak tuah dingin dirhmi asi. UN nih atuah dingmi resolutions pawl cu kan i fiang cia khaan ah chia usih. Kan ram sersiam le dirh khawhnak lam a awng bikmi mi cu: Kan ram hi ramdangin sersiam ding tihi asi ko (atawi nak in). Atu ah hin Khuazing nih lam akan onh tiah ka ruah. Atu Delhi ah an phan lengluang. Tiddim lei kan tam deuh ngaingai. Kaa dang hmundang lei pawl zawng nih fuh ko usih. Cu hlan bang Lih ttawn hau lo’in UN nih humhimnak ankan pek som ko lai. Atak le alem a um lai lo.

UN kan va panh kha. kan himnak lawng si hin lo’in kan Ram sersiam duh ruang ah si seh.Atu ah Ram le Miphun caah kan bochan bikmi hna dirhmun ve bang kan phan ve tik ahcun, zaang awl deuh in kan ral kan thluk cang lai.Cu lawng lawng ah;Ramrian thawh ah kan mutual understanding (i theih thiam veve nak), Mutualrespect ( i ttihzah veve nak) kan kar ah ahung nung lai. Atu cu kanmah le kanmah chung hmanh ah dakaw, inferity complex (nauta deuh ah iruahnak) kan ngei cu. Cu vialte cu tutan boruak nih hin an kan hloh piak cikcek lai.

Ram sersiam nakah atu i kan tuar ing nak hi kan hman thiam ahau. Atu lam a awng.
Tutan buainak ruangah Chinmi caah Khuazing nih lampi thar akan onh piak mi hi ahman zia thiam chin usih. Ketleng phelh hmang ti hlah usih. Kan Ram le kan Miphun tundirhnak caah kan khua ram kan tlik tak chung rih mi asi! tiah lung awttawm lo ten zumhnak he kal tti hna u sih. Kan ram hi aho ta bik asilo. Chinmi kan dihlak ta asi. Kan ttuanvo tu tlinh itim cio usih. Kaa lawm.

Credit: Paul C. Tha

Author: Salai Ephraim