A Tu Hi Falam Peng Thlanrawn Khua Ah CNA Le CDF Hna Nih Ralhrang Pawl Fak Ngai In An Kah Cuahmah Hna

Falam Peng Thlanrawn khua ah CNA+CDF le SAC ralkap an i kap cuahmah.October 14, zaanlei 2:00 PM hrawng khan Falam Peng ah CNA+CDF an i kap cuahmah tiah kan theih.“Atu hi CNA+CDF le SAC ralkap pawl 2:00 PM hrawng khan Falam Peng Thlanrawn ah kan i phomh cuahmah.

Thawng fiang belte a um kho rih lo,” tiah CNF Spokesman Salai Htet Ni nih The Hakha Times ah a chim.Thlanrawn khua hi nihin chun ah SAC ralkap pawl nih inn 10 an khanghpiak cang hna i kahdohnak tih in khuami an zaam, tiah kan theih.

Falam Peng Thlanrawn khua zong SAC ralkap nih mei in an khangh ve, inn 10 a ciam cang.Nihin October 14, 11:00 AM hrawng ah Falam Peng Thlanrawn khua cu SAC ralkap nih inn 4 mei in an khangh ve, khuami an zaam dih, tiah kan theih.“Thlanrawn khua hi inn 95 khuasa kan si. Atu hi inn 10 a kaang cang.

Khuathar ah hin SAC ralkap an khat. Khuapi ning zong in an duah te men lai. Kahdohnak thawng zong kan theihpah cuahmah,” tiah khuami pakhat nih The Hakha Times ah a chim.Nihin zing thiamthiam ah Rialti khua zong an khuaning in (inn 10 hrawng) SAC ralkap nih mei in an khangh dih, tiah kan theih.

Credit: Laica+The Hakha Times

Author: Salai Ephraim