A Tu Hi Hakha Khuapi Chungah Bomb Le Meithal Puah Thawng Nih A Tlirh In A Kan Tlirh Cuahmah

Hakha ah Meithal Thawng le Bomb Puah Thawng Pehtlai in a Thang.Nihin (September 18) zaan sml. 8:00 hrawng in Hakha khuachung in meithal kah thanwgpang le bomb puah thawngpang pehzul in a thang.Khuathar lei le Pyidawtha lei a ummi hna nih, “A thawngpang a thang tuk. Atu tiang a dai rih lo. Bomb puah thawng lawng si loin meithal kah thawngpang zong a thang len,” tiah an chim.


Thantlang ah Inn 19 a Kaang, Pastor Pakhat Nunnak Liam.Nihin zaanlei ah Thantlang SAC ralhrang nih bomb le meithal in khuachung an kah ruang ah inn 19 an kaang i, pastor pakhat a nunnak a liam, tiah Thantlang upate sin in thawngpang kan theih.”Inn a kaangmi zapi hi inn 19 a si. Bokyok lam lei hi kan hmih khawh. Thlanglei Bangla lei a kaangmi zong a dang inn a tlai ti lo,” tiah pastor pakhat nih The Chin Journal ah a chim.

Thantlang khuachung ah inn 19 a kangh pin ah meithah ding in aa thawhmi TCBC pastor Cung Biak Hum cu lampi ah SAC ralhrang nih an kah i a nunnak a liam.
Pastor Cung Biak Hum cu motorcycle in a kal lio ah SAC ralhrang nih a ttang le a baan ah an kah hi a si. “A ruak cu kan lak i an inn ah kan phakpi cang,” tiah a cunglei pastor nih a chim chap.

Credit: The Chin Journal

Author: Salai Ephraim