A Tu Hi Hakha Le Thantlang Karlak Timit Lei Ah Ralhrang Le Kan Ralkap Pawl An I Kap Cuahmah

Tuhi Timit lei ah ralhrang le Chin ralkap an i kah lio si,tutiang rih ahcun kan ralkap nih an nawr pah rih hna, nan thlacamnak a lakka silo hih tiah Salai Williams Hlawnceu nih a mah facebook cahmai ah a vun tar langh.thlacamnak in bawm cuahmah ko hna usih law.

Chinland Defense Force-Zotung Organization i Ralkap hruai tu a si lio mi Paw That Ceu cu a ralkap pahnih a si mi Paw Aung Min Thang le Paw Thang Cing Mang hna hen 2022 July 23 ah Zotung peng khua pakhat ah SAC Ralhrang nih an tlaih mi hna khua mi hna cu an dir hmun van ngiat thlai ding in an kal nak ah SAC Ralhrang nih an rak tlai hna i Aug 3 an mei in an khangh hna i an thah hna ti ah thawng kan theih.

Chin miphun zalong ten kan i ut khoh nak ding ah hriam nam tlai in ral kan doh lio ah ti ban tuk in kan hawi le nih SAC ralhrang hna kut in a kan liam tak tik ah kan ngaih a chia tuk hringhran,mah ban tuk in tleih le khih hnu ah minung le minung i zangfah nak um lo in mei khangh in an thah mi hna hi kan lung a fak tuk hring hrang mah an tuah mi hi kan mah Council hrim hrim in fak tak tak in kan doh.

Source: Interim Chin National Consultative Council (ICNCC)

Author: Salai Ephraim