A Tu Laimi Cheukhat Cu Ziknawh Le Eihmuar Nak Le Mi Dehhlen Nak Lawng Te Kan Tuah Caah Vairam Ah I Thuhnak Kawlmi Kan Tam Cang

Ram tthangcho lo le ram sifak in a rami cu federal democracy ram kan phak hnu zongah kan rak hmang tawnmi ziknawh, eihmuar, din lonak tuah, phaisa hmang in thilttha lo tuah le cozah hlen ti bantuk kha kan hmang rih thotho ko.

Kan zate cun kan si ve lo. Asinan cheukhat cu kan umnak ram tthangcho upadi le ziaza cu kan zulh ko hna nan kan rak hmang tawnmi ziknawh, mihlen le phaisa hmang thilthalo tuah le eihmuar le din lonak tuah cu kan kemh rih thotho fawn.

Tthenkhat cu kan ziaza kan i thleng dih ve. Laimi cheukhat le bang cu ziknawhnak, din lonak tuah in le phaisa hmang in vanram kainak ding lam tiang a kawlmi kan um pah len cang rua. Asinan mah cucu za ah za a ngah ti lo. A pit bak cang. Aruang cu Pathian lam a si caah.

Credit: Van Tum

Author: Salai Ephraim