NLD cozah le Kawl ralkap sining hi mipi nih kan theih fian i,a thleidan zia mipi nih kan thiam a herh ngaingai.cun, Miphun a t’hangcho mi le vawlei cung miphun vialte hna nih kan zohchun mi hna nun khi cawngin an sining bantuk in kal kho ve hna usih law a t’ha tuk hnga.a miphun thleidan nak le a miphun pakhat t’anh in hmai kan nor i rian t’uan kan i timh peng mi hi ruah ah cun an mah Kawl miphun bantuk men ah kan i chuah ti nak a si ko.
Minung cu Minung kan sining bantuk in rian a t’uan mi an um ve ko.cun, Mit’ha lo kan ti mi hna zong hi an t’hatlo ning bantuk in rian t’uan hmanh hna sehlaw an t’hat mipi nih kan hmuh thiam hna i an t’hatlo ning in kan leh hna lo a si ah cun zn t’hatlo nak kha zei hmanhlo men ah a cang t’han ko.mipi nih kan hmuh thiam hna a herh.
Miphun pakhat ah hruaitu Party dangdang an um ko.cu party a um mi chungah t’anhmi ngei cu a phung a si ko na in Miphun pakhat kan si nak kha kan philh awk a si lo.Miphun pakhat chungah t’anhmi kan ngeih ruang i holhchia, Biachia kan chim mi le Party min chal in ningcang lo bia kan chim mi hna hi ruah set mat ah cun mah le mah kan i mualphoh a si pin ah cucu Miphun niam(nauta) mi hna nun can a langh nak a si.
Ca kan post tik ah siseh minung pumpak huat ruangah ningcang lo in biachia kha kan chim awk hrimhrim a si lo.cun,Party min pakhat min chal in midang party hna kha ningcang lo in kan soisel hna awk a si lo.cu ti bantuk in thil kan tuah mi cu kan t’anhmi party a hmai kan hnawmhtamh ter ti kha kan i theih awk a si.na duh mi party ah lungtling tein vote thla lo.vote tampi ngeih duh ruang i midang va soisel kha a ngol in kan ngok awk a si deuh.
Source: Own Media
