Tuchun ah American ram chung a si mi Indiana le Ohio khuapi chungah ruahlo pi in thilchia le tilet a hrang ciam mam i minung pakhat a thih pin ah minung dang 130 nih fak taktak in hliamhma an tuar tiah an chim.hi thilchia a hrang mi hi (swarm of tornadoes ) tiah an kawh i swarm of tornadoes thlichia a hran ning cu kan mah lai lei nih cun thlichia fak tuk in a van hran i thinglung ah thli nih a pumh i minung zong a cawi kho mi(phusim) tiah kan kawh mi bantuk in a hrang tiah an chim.
Cun hi thlichia ruangah inn lo tam tuk a rawk i Ohio khua chungah moto lampi zei maw zat hna cu thing le lung nih a kham dih pin ah um kal nak t’halo in moto vialte hna cu a kham dih hna tiah an chim.hi thlichia cu voi khat lawng si lo in voi 55 tiang bak an hrang tiah Ohio twisters nih a chim.
Cun hi thlichia nih hin American ram chung state 8 chung bak ah aa huai na in Ohio state bantuk ngaingai cun a dang state ah cun a fak hraw lo tiah an chim.cun Kansas kuapi chung hrawng ah cun Ca cawn nikhat ni khan a thawk pah cang tiah an chim.hi konghe pehtlai in National Weather Service pawl hna nih cun ralrinnak an chim cang ko na in a tu bantuk in a fah lai cu kan theih bak lo tiah an chim.
Cun hi thlichia hran nak kongah mithi le hliamhma a tuar mi hna cu thlichia a deuh bak in kan mit nih a hmuh mi lawng kha kan chim mi a si i kan mit nih a hmuh khawh lo mi Inn lo a rawk mi le hliamhma a tuar mi le mithi hna zong an um kho rih men tiah an chim fawn.
Source: CNN