Shan ramkulh chung chaklei Kutkai pentlang a si mi Kungsa khua pawng teah Sep 24 zinglei suimilam 5 hrawng in chun suimilam 12:30 chung bak biatak tein an i kap t’han tiah TNLA hruaitu ralbawi Major Maing Ai Kyaw nih a chim t’han.hi kahdohnak konghe pehtlai in Kungsa khuami hna nih an chim ningah cun,”kahdaihnak thla khat chung kan i din lai an ti hnu in ruahlo pi bantuk in an i kah t’han caah khuami hna cu kan thin a phang tuk i inn lo chuah tak in hmun kip ah i dornak kawl in kan zam dih”tiah an chim.
Kutkai pengtlang chungah ralzam zohnaknak bu chung in rian a t’uantu Ma Maing Maing nih cun hi tibantuk in Kawl ralkap le TNLA an i kah nak ruangah Kungsa khuami hna cu khua chingchan ah an zam hna i cu ti cun zohkhenh an si tiah a chim.Kawl ralkap Major General Zaw Min Htun nih cun hi tibantuk in TNLA lei in thawngthanhnak an tuah mi hi zei hmanh theih mi kan ngei lo.asinain RCSS he cun minutes 15 chung hrawng kan i kap tiah a chim.
Kum 2018 december thla 21 lio i Kawl ralkap nih an cozah ralkap hna um nak hmun nga ah thla kua chung i kahdoh nak um rihlo dingin thawngthanhnak a rak tuah mi cu Sep 21.2019 ni bak in a dih.hi ruangah a thar in Kawl ralkap lei in kahdaihnak um rihlo dingin thawngthanhnak an tuah t’han lai ti cu ruahchan awk a tlawm te cang tiah an chim fawn. Tlangcung hriamtlai phu TNLA, AA, MNDAA hna nih cun 2019 december thla 31 tiang kawl ralkap he i kap ti lo in kan i din cang lai tiah thawngthanhnak an tuah cang.
Tlangcung hriam tlai pawl hna nih August 15 lio ah khan Pyin Oo Lwin le Nawng Hkio pengchung kawl ralkap um nak sakhan hmun 5 an rak kah nak ruangah mipi hna cu Kutkai peng chungah harsat taktak in minung 1200 tluk hna cu um nak inn lo reptak ngailo in an vakvai cuahmah ko tiah an chim.kawl cozah ralkap le Tlangcung hriamtlai KIA, AA, TNLA , MNDAA hna karlak ah kahdaihnak cu kaphnih lungtling tein Sep 17 ah khan Caitung khawpi chungah an rak tuah.asinain thil fello tampi a um ruangah kaphnih ralkap hna cu i tong t’han dingin biachahnak an tuah.cu karlak ah i kah dohnak cu a chuah t’han hi a si tiah an chim.
Source: chindwinpost
