Atu lio Chin mipi hna lak ah cheuthum ah cheu hnih tluk hna nih cun Chin ramkulh a si mi Paletwa peng chungah AA hriam tlai pawl hna nih an cawlcangh ning le an mah duh paoh in an um mi kongah CNF an cawl cang lo e tiah sual kan phawt peng ko rih hna.hi konghe pehtlai in CNF kan pa le hna zong nih fianternak felfai tein an tuah lengmang ko bu ah kan mah le siarem ning cio in rak holh peng a si.
Dr.Sui Khar zong nih a rak chim mi cu NCA minthut lio ah Chin ram chungah cun Kawl cozah ralkap le Chin ralkap hna lawng nih hriamnam i tleih in an um kho lai tiah biachahnak tuah a si.cun, AA hriamtlai pawl hna nih Paletwa ramkulh chungah an hriamnam he an cawlcangh mi cu CNF nih an tawlrel awk a si teh.Tatmadaw nih a tawlrel awktu a si deuh tiah a rak chim bal cang.
Cun, a tutan zongah CNF Col.Solomon zong nih a chim t’han rih mi cu Paletwa ram chungah AA nih duh paoh in an cawlcangh nak kongah kan nih CNF nih mawh a phurtu kan si lo Tatmadaw nih a tawlrel awk a si tiah a chim.zeicatiah cun kawl ram cozah he kahdaihnak min kan rak thut lio ah hin CNF cu Thantlang le Tidim peng lawngah um nak nawl an rak kan pek mi kan si.
Cuhlan ah cun Paletwa pengah khin kan mah CNF kan rak um bal cang.Paletwa peng chungah CNF nih hmun kan rak khuar lio ah cun AA vun chim lo midang dang hriamtlai mi hna pakhat hmanh hmuh awk an rak um lem lo.cucaah Paletwa peng chungah AA nih an duh paoh in an cawlcangh mi kongah kan mah CNF nih kan tawlrel awk a si lo,kan mah mawh zong a si fawn lo.mawh a phurtu cu Tamadaw tu an si tiah a chim.
