Rakhine ram chung Kyautdaw Myo pengtlang ah Khuabawi a t’uan cuahmah lio mi minung 50 hna nih cun Khuabawi an si nak rian cu an mah te bak in an mak dih tiah an chim.cun hi khuabawi minung 50 hna nih an rian an chuah tak lai ah hin an rian he pehtlai in sinak an neih mi le SEAL an ken mi hna cu felfai tein SEAL an namh i cu an namh mi SEAL cu Myone ah an pek hna tiah an chim.
Cun mah hna pawl nih an rian mak nak Ca an pek mi hna chungah hin AA hriamtlai pawl hna nih an mah duh tik caan paoh ah an kan tleih i an kan hrem,Arte le Saram bantuk men ah an kan ruah.an duhmi bia paoh an kal hal.cun an biahal mi cu an i ruah ning bantuk in kan leh khawh hna lo a si ah cun an duh paoh in an kan hrem.
Cucaah cun kan mah pumpak cio in kan him khawh nak ding caah thlachiat pakhat hmanh ruat kho ti lo in a tu bantuk hin kan rian in maknak Ca kan t’ial mi hi a si tiah an mah lak i Khuabawi rian a t’uan ve mi Pu Phyo Wai nih a chim.
Asinain hi khuabawi minung 50 hna nih an rian mak nak Ca an tuah mi kongah mi tampi hna nih cun AA an t’ih hna ruangah si lo in sinak sang deuh le nawl ngainak santer deuh an duh bia a si.mah hna pawl nih an i tinh cem mi cu Myone Hmuu sinak rian khinh kha an duh tiah an chim
Credit: freechinland