Arakan Army (AA) hriam tlai pawl hna cawlcangh ning cu khuaruahhar an si chin leng mang ko.cu hlan i Tlangcung mi hna sin ah kawl cozah ralkap pawl hna nih an mah duh paoh in an thil duh mi an rak lak lio le kan inn zuat Satil Arva tiangin an rak kan thah/kah piak lio ban tuk bak in a tu hi Arakan Army (AA) hriam tlai pawl hna nih Rakhine ram kulh chungah cawlcangh hram an i thok cuahmah tiah theih a si.
Arakan Army (AA) hriamtlai pawl hna nih cun Rakhine ramkulh chung a si mi Yatitawng peng khua vialte chungah lut in an inn zuat Satil Arva Caw,Vok,Na etc..tibantuk pawl hna cu an mah duh paoh in an kah/thah piak hna pin ah an Sui hlawn tiang bak in an chuh cuahmah hna tiah Kawl ralkap thawngzamhtu Major General Zaw Min Htun nih thanhnak a tuah t’han.
Hi ruangah Yatitawng peng chung khua a um mi vialte hna ah cun an khuapi tein an inn lo an chuah tak i minung um bak lo in an um nak khua hna zong an um cang.a zei maw khua hna ah cun minung pa 9 tluk hrawng te nih khua an hngah nak khua zong an um.Yatitawng peng chung khua zei maw hna ah cun Arakan Army (AA) hriam tlai pawl hna nih inn 30 hrawng an khangh piak dih hna tiah a chim.
Cun,Yatitawng khua mi hna nih an chim ningah cun October 6 ah khan Arakan Army (AA) hriam tlai pawl hna cu an hriamnam he minung 20 renglo khua chungah an rak lut i,minung taksa cungah hlawnthil Sui-Ngun an hmuh mi paoh zei hmanh chim lo in an chuh hna pin ah kan thingkuang tiangin an kau dih tiah an chim.hi thawngpang hi Yatitawng peng tlang chungah a um mi Luntawng khua cu October 11 ah kan phan i cu ah cun thil umtu ning hna cu khuami hna nih an kan chih tiah Major General Zaw Min Htun nih a chim.Arakan Army (AA) nih inn zuat Satil le an hlawnthil le an phaisa an chuh mi hna hi Caw le Naa 40,Sui le Ngun t’ikal 10 le Phaisa ting 39,thilri dangdang ting 19 man renglo hna an si tiah a chim.
Credit:chindwinpost