Aa Zum Kho Taktak A Sau Bik Minute 15 Hlan Ah Tuluk Cu Khualeng Ah Kan Hlawnh Khawh Lai

India ram Congress hruaitu Rahul Gandhi nih cun India le Tuluk ramri an i cuh nak konghe pehtlai in prime minister Narendar Modi cu mah ti hin a soisel.India ram ah kan mah Congress party nih cozah ser kho seh,a cozah tlai cuahmah mi si usih law a tu ah hin Tuluk cu a sau bik minute 15 chungah khualengah kan hlawnh khawh hrimhrim lai tiah ‘India farm law’kongah duhlonak langhter nak an tuah nak ah a chim.

 

 

Rahul Gandhi nih cun Narendar Modi cu India prime minister ralchia taktak mi asi caah kan ram hi mi kut ah a kal cuahmah te lai.asinain tuchun ah vawlei cung ram hna lak ah ningcang lo in ramdang mi hna nih miram le hmun hma va chuh ti mi a um bal lo na in kan PM ruangah tuanbia thar kan theih.cucu Tuluk nih India ram cu kan PM kut in an lak chuh khawh mi hi a si tiah nengsei ngai in a chim.

 

 

India ram square km 1,200 tluk a kau mi ram le hmun cu miram dang kut ah a um cang na in cu lio ah kan PM nih cun mipi sin ah ram a daw taktak tu ka si tiah aa chim ngam.cu lio ah Tuluk cozah ralkap hna cu India ram chungah duh paoh in an rak lut i khua an sa.cucu ram a dawt ti mi cu a si maw?Congress party nih India cozah a tlaih a si ah cun India ram chung hrimhrim ah Tuluk cozah ralkap hna cu minute 15 chungah lut lo in kan kham khawh hna tiah a chim.

 

 

Cucaah India mipi hna bia kan kamh hna Congress nih a cozah kan tlaih a si ah cun Tuluk cu Tuluk ram hrimhrim cu kan ram chungah karkhat hmanh kar lo dingin an lut lai lo i,kan ram cu an kut in kan lak t’han hrimhrim lai.kan PM nih ram humhim nak ding caah cozah phaisa hmangin aircraft pahnih a cawk.asinain Tuluk nih a duh paoh in kan ram le kan ta a si mi cu a lak cuahmah.India security force pawl hna cu ram humhim nak ding caah din-ei awk hmanh nei lo in ramri ah Tuluk cozah kut tuar in minung tampi hna nih an nunnak an pek cuahmah cucu prime minister Modi ruang a si caah kan nih Congress nih cun cu bantuk thil cu voi khat hmanh kan chuahter lai lo tiah a chim.

Author: Salai Ephraim