Afghanistan President Ashraf Ghani Le Pakistan President Nih Zei Tuah Dek An I Tim

Afghanistan President Mohammad Ashraf Ghani nih cun ruahlo pi ah Pakistan President he Ca buaicung ton biaruah nak neihpi dingah an ram a chuah tak i Pakistan ram ah cun ni hnih chung caan la dingin a kal tiah an chim. cun, Afghanistan President Mohammad Ashraf Ghani hi a cozah rian t’uantu hna lak in a bochan mi hna official pawl chungin minung zei maw zat nih an zulh fawn tiah an chim.

Hi konghe pehtlai in Pakistan Ministry of Foreign Affairs nih a chim ningah cun Afghanistan President Mohammad Ashraf Ghani le a hnu zultu pawl hna nih hin Pakistan President Arif Alvi le Prime Minister Imran Khan hna pin ah Pakistan ram political leader dangdang hna zong ton biaruahnak an neihpi hna lai tiah a chim.amah belte zei set dah an tuah lai tiah chim fian mi a nei loh.

 

Asinain media hna le thawnglatu tampi nih an zumh nak an chim ningah cun Afghanistan President Mohammad Ashraf Ghani le a hnu zultu pawl hna nih hi tibantuk in Pakistan ram an tlawn nak a sullam taktak cu Pakistan le Afghanistan ram ipehtlaihnak kongah a thar in i ser siam le i pehtlaihnak hnet hnai neih an duh caah a si tiah an chim.

A cheu hna nih cun Afghanistan nih Pakistan cozah ralkap le an mah ralkap hna cu hmun khat teah rian t’uant’i in chawlehthalnak lei ah pahnih a rak si mi kha pumkhat ah rian t’uant’i dingin sawm a timh hna tiah an chim.cun a tutan ah Afghanistan nih a timh mi hlawh tlin nak a hmuh khawh a si ah cun Afghanistan le Pakistan ram cu pumkhat bantuk an si cang lai tiah an chim.

Source: BBC