America president Donald Trump nih Taliban he Ca buaicung ton biaruahnak ngeih dingin biachahnak a tuah cang mi cu ruahlo pi ah Trump nih a duh t’han lo caah Taliban nih cun Trump nih kan mah he ton biaruahnak ngeih a duhlo caah a rauh hlan ah a chir lai.cun, hi kongah Taliban in an tuar lai tiah ruat hlah seh,Taliban nak in Trump nih a tuar deuh lai tiah an i hrocer t’han.
Afghanistan ram chungah hin kum 18 chung bak i kahdohnak a chuak cang i,cu konghe pehtlai in kahdohnak a chuah ti nak hngalo caah America president Donald Trump nih Taliban pawl hna ton biaruahnak ngeihpi a timh mi hna hi a si bik.asinain Trump nih hi kongah Taliban pawl hna cu a let t’han i hi ruangah Taliban pawl hna nih cun America nih a tuar lai tiah a rhocer nak hi a si.
Zarhpi ni ah khan Trump nih Taliban palai pawl hna le Afghanistan president Ashraf Ghani hna cu Camp Davis, Maryland ah thlithup ton biaruahnak ngeih dingin biachahnak a tuah.asinain Trump nih a let tak hna i Taliban le America nih remdaihnak ser dingin rian t’uan cuahmah mi cu dinhter a si rih lai tiah a chim. Taliban tapung pawl hna nih cun Afghanistan ram chungah ramdang mi hna mi zei hmanh um lo dingin rian kan peh zulh lai.hi chungah a bik in a tuartu ding cu America ram mi an si lai tiah a chim.
Cun, Trump nih felfai tein biachahnak an tuah cangmi kongah a bia a let mi cu kara president nih cun Trump cu faklak in a soisel.Afghanistan president biachimtu Sediq Sediqqi nih cun Taliban nih cu hlan bantuk in rian a t’uan t’han a si ah cun zei tik hmanh ah Trump nih remdaihnak tuahpi a tim hna lo tiah a chim.Taliban tapung pawl hna nihAfghanistan ram mi an thah mi hna hi an mak i remdaihnak tuah an duh taktak a si ah cun fawn tein tuah khawh a si ko tiah a chim.
Source: BBC
