Amak Ko: France Ram Chungah Arpa Khong Cu Biaceih Piak Dingin Court Biaceih Zungah An Hruai

France ram chung a si mi Saint-Pierre-d’OlĂ©ron timi khua ah cun Pi Corinne Fesseau nih Arpa a cak taktak mi pakhat a zuat i,cu Arpa a cak taktak mi cu a neitu nih ( Maurice ) tiah min a sak.hi Arpa nih hin zing fa tin,zan fa tin a khuang peng i,a caan hman tein a tho i a caan hman tein a riah nak bawk ah a lut i a rawl ei caan teah rawl t’ha tein a ei,a neitu nih fa hning zoh bak tuk bak in a zoh mi a si tiah an chim.

Cun,hi Arpa nih a caan hman tein, zing-zaan in a khuan mi cu Pi Corinne Fesseau um nak i a inn pa pawl hna nih na Arpa khuan ruangah it thiam lo in kan um caah na Arpa hi na zuat awk a si lai lo tiah an chimh.asinain Pi Corinne Fesseau nih cun a Arpa cu a that in a zuar siang nem mam ve lo. Pi Corinne Fesseau nih cun hi ka Arpa ruangah hin khua caan hman tein ka hmang kho i taksa ngandam nak zong tampi a ka petu a si tiah a chaang ve.

 

Cu tik ah Pi Corinne Fesseau um nak sang le a inn pa pawl hna nih cun Pi Corinne Fesseau i a Arpa cu biahri an terh i,Charente Maritime court biaceih zungah an chuahpi tik ah Arpa taza a cuai tu hna nih cun hi Arpa ruangah hin it kho lo in kan um pin ah hi Arpa nih taksa dam lo nak tampi a chuahter tiah an chim.cun, Arpa neitu Pi Corinne Fesseau nih cun ka neihmi ka Arpa hmang in minung nih kan tuah awk le minung nih kan sining kan i hngalh dingmi,ka hngalh khawh lo mi vialte hna cu hi ka Arpa hmang in ka hngalh khawh tiah a chim ve.

Cun, Pi Corinne Fesseau nih cun hi ka Arpa hmangin khuate lei ah harsa taktak in a nung mi hna le nung ning vialte a ka cawnpiaktu a si pin ah, zing-zaan in ka Arpa cu a khuang i,cu a khuan ning zulh in taksa ngandam nak lei ah le khua caan ka hngal lo mi vialte a ka hngalhter tu a si.cu bantuk in ka Arpa nun nak in ka hngalh mi thil vialte hna cu taza a ka cuaitu minung pawl hna nih an hngalh khawh ve lo caah Court nih felfai tein biachahnak nan kan tuah piak nak lai kan nawl hna tiah a chim.Charente Maritime court nih cun a Arpa sining cang cu felfai tein dothlat hnu ah September 5 ah khin biachahnak tuah piak dingin an thawn piak tiah an chim.