Israel Prime Minister Benjamin Netanyahu cu tuzan in London ah khualtlawn ah a thawh cang lai.rime Minister Benjamin Netanyahu nih hi tibantuk in khualtlawn a timh nak kongah statement nih a langhter ningah cun Iran ram konghe pehtlai in Prime Minister Benjamin Netanyahu nih London ah UK Prime Minister Boris Johnson le US Defense Secretary Mark Esper hna he ton biaruahnak an ngei cang lai tiah an chim.
Cun, Iran ram hawi t’ha a si mi hna ralhrang pawl hna nih ni fa tin in Israel ram cu kan kah lai tiah an hrocer mi hna le hriamnam t’ihnung in an kah mi hna vialte zong ceih chih a si lai tiah an chim.Iran ral lawng si lo in ralhrang dangdang hna kut in Israel ram cu him tein a um khawh nak hnga ding caah zei tin dah an mah mipum an i ven khawh lai tiah Israel ram humhim nak ding zong ceih chih an timh tiah Prime Minister’s Office nih a chim.
Cun,American le UK le Israel ram hna cu hmun khat teah rian t’uanti khawh nak ding le fek tein i pehtleihnak an ngeih chinchin khawh nak hnga caah biachahnak an tuah t’han lai.asinain a tutan ah ceih dingmi ah a biapi bik mi cu Iran ram kong a si lai tiah an chim.
America nih cun Iran’s Revolutionary Guards pawl hna nih a thli in Syria ram ah oil millions man renglo an ngalh hna.cu an thilri man cun Syria nih Iran ram caah biatak tein rian a rak t’uan piak t’han.cun, Iran nih Syria ram ah tilawng in thil a phur nak hna hi tilawng 11 renglo an si.Iran nih hriamnam a ser khawh nak ding caah Syria President Bashar alAssad nih chaw a leh piak hna a si tiah an chim.cu kong zong cu ceih piak chih a si lai i.a tutan biachahnak tuah ning in hi ramthum hna nih cun Iran ram cungah rian t’uan a si lai tiah an chim.
Source: AFP
