America Air Force nih thawngthanhnak a tuah ningah cun caan sau nawn chiah cangmi unarmed Minuteman III intercontinental ballistic missile cu a thar in zohkhenh t’han a si i,zei dah a lawh tiah hneksak nak zong tuah cawlh a si. unarmed Minuteman III intercontinental ballistic missile hi hneksak nak kan tuah lio ah cun California khuai in kah a si i Pacific rili cungah puahter a si tiah a chim.
America nih an hriamnam unarmed Minuteman III intercontinental ballistic missile hneksak nak a tuah hlan deuh teah North Korea nih missile hneksak a tuah hmasa.cu dih bak ah America nih hneksak nak cu pehtlai bak in a tuah ve. America nih hi hriamnam hneksak nak a tuah mi ah hlawhtlin nak kan hmu tiah a chim.
California, Vandenberg Air Force Base in unarmed Minuteman III intercontinental ballistic missile cu kah a si Pacific rili Marshall Islands, Kwajalein Atoll a phanh ah hin Meng 4,200 tluk a phan kho mi a si.hi lio ah South Korean offical pawl hna nih cun North Korea nih kan ram chungah ningcang lo in ballistic missile an kan thlah hnawh tiah report an pek.
America Air Force nih cun South Korean offical pawl report pek mi cu let lo in,an mah nih unarmed Minuteman III intercontinental ballistic missile hneksak nak an tuah mi kongah fianternak tu a tuah.America nih a ngeihmi unarmed Minuteman III intercontinental ballistic missile cu kum 50 tluk a upa cangmi hriamnam a si caah hmantlak hriamnam a si le si lo kha fiang tein theih kan duh caah hneksak nak kan tuah mi tu a si.hi kongah mi zei hmanh tihram nak le hneksak duh hnawh chan mi kan ngeilo tiah a chim.
Source: BBC
