America Nih China Ram Chung Company 28 Bak Blacklist Ah A Chiah Piak Hna Pin Ah Germany, Nazi Misual Rual He An I Khat A Ti

China ram chungah Chinese autonomous region tiah an kawh mi hna Xinjiang hrawngah khuasa mi Turkic ethnic minority group “Uighur” le Muslim minority pawl hna cungah China a cozah rian t’uan ning cu ningcang thilo a si lo caah Northwestern China ram chungah a cozah nih a ngeih mi company lianmi 28 hna cu blacklist ah chiah an si tiah US Commerce Department nih vawlei pi theih in thanhnak a tuah t’han rih.

US Secretary of Commerce Wilbur Ross nih cun China company 28 blacklist ah kan chiah mi hna hi America ram thil chuak le thilri le thilsiam hna cu zei tik hmanh ah an caw kho ti lai lo.zeicatiah China miphun theidan in a ramchungum mi hna Turkic ethnic minority group hna sin ah rian a t’uan ning le a cawlcangh ning cu America nih a duhlo cem mi a si tiah a chim.

Hi konghe pehtlai in America Federal Register nih cun China company 28 blacklist pawl hna cu video surveillance company Hikvision, artificial intelligence company Megvii Technology le SenseTime company hna an si tiah a chim. China nih Turkic ethnic minority group “Uighur” le Muslim minority pawl hna cu fimthiam nak lei ah le cawn nak lei ah an mah China minung he a thelidan hna pin ah a cozah sianginn hna ah cun mi zei hmanh a kaiter duh hna lo.

Cu pin ah China cozah nih Turkic ethnic minority group “Uighur” le Muslim minority pawl hna sianginn cu a dang tein a sak piak hna t’hi t’ha tein fimthiamnak lei zei hmanh a zohkhenh duh hna lo.cu tibantuk in a cozah nih thil a tuah mi cu ralhrang hna lak in China cu a hum khawh nak hnga caah ka tuah mi a si tiah China nih a chim.hi ruangah Washington nih cun China thil tuah ning cu Germany, Nazi pawl hna rian t’uan ning bak a si tiah a chim.

Source:BBC

Author: Salai Ephraim