America President Donald Trump a dirkamh taktak tu national security adviser John Bolton cu ruahlo pi in Donald Trump nih a rian in ka chuah ti ah a chim ko cang.cun, Donald Trump nih cun a rauh hlan ah national security adviser John Bolton rian a chawngtu ding cu thim a si lai tiah thanh nak a tuah taktak.
National security adviser John Bolton nih hin rian a tleih hlan ah hin Michael Flynn le HR McMaster hna nih National security adviser rian hi an rak t’uan bal cang.asinain Michael Flynn le HR McMaster hna nih National security adviser rian cu caan sauh hmanh an t’uan hlan ah hi rian cu an rak chuah tak i cu hnu ah 2018 April thla in Mr.John Bolton nih a vun t’uan.
National security adviser John Bolton le President Donald Trump hna hi a daw ngai mi an lo na in an rian t’uan nak ah cun a chung lei in a ral ngai mi an si ve.a bik in America nih (foreign policy) rian a t’uan nak ah hin a si.foreign policy rian an t’uan nak kongah National security adviser John Bolton nih a t’ha a ti mi cu President Donald Trump nih a cohlan duh bak lo i cu hlan in an karlak ah bia al nak a um pah lengmang cang tiah an chim.Trump nih a rian t’uanti hawi pakhat khat nih an rian an chuah tak lai ah an lungah President a sinak in lunglomhnak bia a chim dih hna na in a tutan ah cun Trump nih zei lunglomhnak hmanh a chim rih lo.
Cun, Afghanistan ram le Iran ram kongah President Donald Trump nih a mah ruah nak lawng hmangin biachahnak tampi a tuah tik ah National security adviser John Bolton nih cun Trump nih biachahnak a tuah mi hna cu zei hmanh kan theihpi lo tiah a rak chim bal cang fawn. National security adviser John Bolton rian chawngtu dingah Trump nih cun deputy Charles Kupperman hi a duh.asinain biachahnak taktak cu an tuah hraw rihlo i John Bolton zong nih a rian konghe pehtlai in phungning tein chuah nak Ca a tuah rihlo tiah an chim.
Source: BBC
