American Ram Mipi Hna Hmai Ah Trump Nih A Cozah Hriamnam Biatak Tein A Phozar Cang A Ruang

American Democrats party hruaitu hna le Trump cozah hna nih cun kum fa tin American Independence Day cu July 4 ah tuah dingin an chim i,kum 2019 zongah an biachahnak ning tein July 4 ah khan hlung hlai taktak in Washington DC khuapi chung i ( Lincoln Memorial Mall )hmun ah tuah a si.cun, American Independence Day an tuah lio ah hin Trump cozah nih a neih mi hriamnam chungin t’ihnung taktak a si mi hriamnam zei maw zat hna cu an mipi hna hmaika bak ah an phozar i,an mipi hna nih cun,”USA..USA..USA”tiah an au chih tiah an chim.

Cun, hi lio ah hin American cozah ralkap hmun dangdang a um mi hna zong tampi an itel kho.cu lio ah cun mipi hna hmai ah Trump nih biachim nak a neih i a chim mi hna cu,”American ram nih boruak SIKEISEN cungah him American alaan FLAG kan chiah t’han lai i,khi hmun ah khuaruahhar taktak in ralthuam zei maw zat zong kan chiah lai”tiah a chim.cu tibantuk in bia a chim lio ah cun a cozah nih a neih mi a raltuknak vanlawng pawl hna cu mipi cungin show nak an rak tuah tiah an chim.

President Donald Trump nih cun American ralkap pawl hna hi kan ram le miphun caah nun nak pek in rian t’uantu an si pin ah American ram t’hachonak dingah cun ralkap hna kut ah rian a hngat cem mi cu a si caah mipi nih thazaang kan pek dih hna awk an si tiah a chim.cun,American mipi nih zalong tein kan cawlcangh khawh nak cu ralkap hna rian t’uan nak ruangah a si i an mah nih ral hnu kut in American flag alaan cu thih an nun nak pek in an rak humhim ruangah a si tiah a cozah ralkap pawl hna nih a cawisan hna tiah an chim.

Cun, Vancung boruak (SIKEISEN) hmun vialte hna khi American ram ta lawng te an si i a rauh hlan ah khi vancung boruak hmun ah khin American ram flag alaan cu chiah dih a si lai tiah mipi hmai ah cun a chim.cun,Vancung boruak (SIKEISEN) hmun ah cu bantuk thil tuah dingin American nih kan i timh mi cu Sertu Pathian nih kan cungah a thilti khawh t’han nak a langhter lai i tlamtling tein kan tuah khawh lai.zeicahtiah American ram mi hna cu Pathian nih thlua a kan chuah mi miphun kan si caah a mah Pathian min in zei zong te kan tuah khawh lai tiah a chim.

Source: BBC