American ram chung a si mi Thlanglei California state chungah 6.4 magnitube bak in lii a hni ciam mam i vawlei vialte a kak dih i um kal nak t’ha lo bak in an um tiah an chim.California ram chungah hi ti bantuk in 6.4 magnitube bak in lii a hnin mi hi kum 20 hnu ah a voi khat nak lii hnih a si tiah an chim.a bik in Los Angeles vel chum hna cu a vawlei kak ning hna hi t’ihnung taktak an si tiah an chim.
Hi lii hnih konghe pehtlai in United States Geological Survey nih a chim ningah cun mithi le hliamhma a tuar mi lawng si lo in inn lo a rawk mi hna hi tamtuk an um na in an dihlak in zei zat set dah hliam a tuar mi le a thi mi an si tiah theih a khawh a si rih lo caah kan langhter kho rih lo.a rauh hlan ah update khawh kan vun i zuam cawlh lai tiah an chim.
Hi lii hninh hi California time in 10:33 am hrawng in a thawk i a tu tiang hi a dai kho taktak rihlo.cun, Los Angeles khuapi in a hlat nak hmun meng 150 tluk hna cu vawlei an kak dih inn lo a rawk mi le a cim mi hna theih cawk an si rihlo tiah an chim fawn.cun, Ridgecrest khuapi chung inn lo le zalam hna hi a rawk cem mi cu an si.
Cun, Ridgecrest khua chungah cun lii hninh ruangah meikangh nak tiang in a chuak i inn zei maw zat zong a kang cuahmah.minung tampi nih hliamhma an tuar i,thil sining dothlat nak le check hlat nak tuah cuahmah a si ruangah bia fiang taktak theih khawh a si rih lo tiah an chim.a rauh hlan ah thil sining fianter nak update kan vun tuah cawlh lai tiah an chim.
Source: CNN