Tuchun ah American president Trump nih cun june 24.2019 ni thok in Iran ram cu an lam phih a si cang lai tiah a chim.a mah belte Trump nih cun hriamnam hmanglo in biaraltu in Iran cu tuk an si lai i Iran nih kut-kee a neih nak hmun vialte hna cu phih kham piak an si dih lai tiah twwitter ah a chim.American cozah nih zei tin dah Iran cu biaral kan doh hna lai tiah kan ceih khan dih cang i,biachahnak zong tuah dih a si cang.Iran cungah a t’uan lawng a tang cang tiah a chim.
Cun, Iran cozah nih hriamnam t’ihnung Atomic bomb le nuclear hna cu zei tik hmanh ah kan neihter awk an si lo. zeicahtiah cun Iran nih cu bantuk hriamnam a neih i a ser a si ah cun vawlei pi a rawk kho mi dirhmun a phan lai caah cu bantuk thil cu zei tik hmanh ah American nih a chuahter lai lo tiah a chim.hi konghe pehtlai in Iran Revolutionary Guard hna nih cun Trump nih a cozah ralkap hna cu Iran ram kah/tuk dingin nawl a pek cang hna na in cu nawl a pek mi hna cu aa let t’han tiah an chim.
Trump nih cun Iran rawh nak ding caah ka cozah ralkap le hriamnam hna cu timhcia dih an si,voi khat nawlpek lawng an hau.zei tik paoh ah Iran cu a rawk kho le a kap kho kan si ko tiah a chim fawn.amah belte Trump nih Iran ram biaral a tuk ning ding cu zei hmanh a chim in a tarlangh chih lo.asinain Trump nih a tu thil kan tuah dingmi hi Iran nih a kan cohlan i kan mah he remdaihnak tuah a duh a si ah cun Iran cu American ram hawi t’ha bik a si kho tiah a chim.
Iran nih cun American cozah nih Iran an kan kah a si ah cun kan mah Iran ram lawng nih kan tuar lai lo.American ram mipi zei maw zat zong nih an tuar pin ah an cozah ralkap zei maw zat hna cu an hmuh zong an hmuh hna lai lo tiah a chim.Iran nih CIA caah rian a t’uan ti ah sual an rak phawt cia mi Iran Defence ministry staff Jalal Hajizavar cu Iran khuapi Tehran khuapi ah an hnawngin hri in an thlei in an thah.Iran nih cu bantuk thil a tuah mi cu American cozah hrocer nak caah a tuahmi a si tiah an chim.cu pin ah Defence ministry staff Jalal Hajizavar nupi cu Iran nih kum 15 chung thongtla dingah biachahnak a tuah piak tiah an chim.
Source: BBC
