American Cozah Mawi A Cei Deuh Lai Turkey Cozah Dah? US Nih Order A Chuah Hnawh Cang

American cozah ralkap lei hruaitu Defense Secy Patrick Shanahan nih cun Turkey Defense Minister sin ah Ca a kuat i Turkey cozah nih US cozah nawl ngailo in Russia ram nih a sermi hriamnam anti-air missile S-400 cawk dingin biachahnak a tuah caah US nih F 35 raltuknak vanlawng mongh Pilot training cawng dingin biachahnak a rak tuah cia mi ah Turkey cu hnawl na si i nan itel kho t’han lai lo tiah a chimh.

American cozah ralkap lei hruaitu Defense Secy Patrick Shanahan photo.

US nih Turkey cozah sin ah mah bantuk Ca a kuat ruangah Turkey cozah nih rian a t’uan cuahmah mi hna le chaw a kawl cuahmah mi hna cu cikhat teah dollar 1.5 % tluk bak in a tla cawlh tiah an chim.Turkey cozah nih Russia anti-air missile S-400 cawk a timh mi cu US nih a duh bak lo ruangah US ni Turkey cozah cu caw lo dingin a nawl peng ko rih.asinain Turkey cozah nih cun anti-air missile S-400 cu cawk hrimhrim dingin biachahnak tuah cia mi a si caah aa let kho kan si ti lo tiah a leh peng ko rih fawn hna.

 

US Defense Minister Hulusi Akar nih cun Turkey cozah nih a thli in a ralkap zei maw zat hna cu Russia ram ah a kuat hna i anti-air missile S-400 hriamnam a hman ningcang hna cu training a cawnter cuahmah cang hna tiah a chim.cun Turkey nih anti-air missile S-400 a cawk mi hmangin US ralruknak F 35 pawl hna cu vansang taktak a zuan lio ah khin thla bak in a kah khawh cang lai tiah an chim.

US cozah nih hin a rian t’uanti hawi le NATO chung tel pawl vialte hna cu an dihlak in vanlawng raltuk ning cang Pilot training a pek cuahmah hna i cu training a pek mi hna cu july 31 ah dih dingin a tawl rel cuahmah.cun a tu ah US cozah nih hin Turkey cozah ralkap hna chungin minung 34 hna cu Pilot training a rak pek hna na in a dinhter dih hna tiah an chim.hi hnu zongah Turkey ram mi hna cu a tu bantuk in US nih tarining pek dingah sawm an si ti lai lo tiah an chim.

Source: CNN