American Cozah Nih A Ralkap Pawl Hna Cu Mizei Hmanh Nih An Cungah Harnak Nan Pe Kho Hna Lo Tiah A Chim

American president Donald Trump nih a cozah ralkap zei maw zat hna cu ralram ah a chiah hna i cu a chiah mi hna chungin an ralkap sinak le an phunghram lawnh in an phung a buar mi hna le ningcanglo in ralram ah a cawl mi a cozah ralkap vialte hna cu ngaihthiamnak ka tuah lai i an sual nak vialte cu philh piak an si dih lai tiah a chim.

 

Trump nih hi ngaihthiamnak tuah dingah a hranpa tein caan lak a tim lo,a si na in a ra lai mi May 27 ah khin (Memorial Day)a hmang ding an si tik ah khi ni le caan a coza ralkap ngaithiamnak ni le caan ah hman a timh.hi thil konghe pehtlai in Jastice Demparment zong nih US cozah ralkap kongah hma a lak cuahmah mi hna Case pawl hna cu a ran nak in an case cu tawlrel cuahmah a si tiah an chim.

US cozah ralkap,ralram ah an kalter mi hna hi US Forces nih phunghram t’ha tein an sermi cu thei ko na in mi zei maw ralkap hna nih cun an ralkap phunghram hna cu zei ah rel lo in US cozah ralkap an si nak cu ningcanglo in mipi hna sin ah an hman leng mang ruangah cu bantuk ralkap pawl hna cu case tuah piak an si i,Jastice Demparment nih an phung ning tein biachahnak a tuah piak hna hnu ah dantat an si.

 

International War Crime Tribunal nih cun US cozah ralkap pawl hna hi Iraq ram le Afghanistan ram ah ningcang lo in khuasa mi tampi an um tiah report nak a siam i a tu ah hin US cozah ralkap zei maw zat hna cu Jastice Demparment nih biceih piak ding in a tawl rel cuahmah hna.asinain US cozah nih cun a ralkap hna kongah ramdang mi le International hruaitu buu an si zongah mi zei hmanh nih US cozah ralkap cungah dantat nak maw hremnak zei hmanh an pek hna a duh lo.

 

Cun a tutan ah Trump nih hawi hlei in a cozah ralkap hna lak ah ngaithiam a duh mi hna cu Navy SEAL Special Operation Chief Edward Gallegher le Green Beret Army Maj le Matthew Golsteyn hna hi an si.mah hna nih hin kum 2013 lio ah khan Afghan ram le Iraq ram mi civil zei maw zat hna cu meithal hmang lo bak in NAMTE bak in tam tuk an rak thah tiah an chim.

Source: CNN

Author: Salai Ephraim