American cozah nih a raltuknak vanlawng he Middle East cungah a chawk cang

American nih a raltuknak vanlawng bomb thlatu B-52 pi cu Wite House nawl pek nak in Middle East ram chung khuapi a si mi Qatar ram cungah a zei len cang tiah an Arab Emirates (AP) nih a chim.US nih a raltuknak thilri mah bantuk in Middle East ram cungah dothlatnak tuah dingin a cawlcang lai tiah kan ruah bal mi a si lo tiah Middle East thawnglatu hna nih an chim.

Cun Middle East ram cu van sang taktak in a hel i a bik in Qatar ram cung ko ah a lang khun tiah an chim.hi thil konghe pehtlai in US Air Force nih cun hi an raltuk nak vanlawng cu Qatar ram chunga Al Udeid Air ah tlawn kan i timh biatu a si, Al Udeid Air vanlawng tual rawn cu Middle East ram chungah a him cem nak a si caah zei dah lawh tiah kan ral tlawn mi tu a si tiah an chim.

A si na in Squadron of Barksdale Air Force nih cun US raltuk nak vanlawng bomb thlatu Qatar ram cung a rak lio ah hin bomb t’ihnung 20 bak an rak i ken.hi thil hi US a cozah nih Iran ram lei ah a raltuk nak tilawng USS Abraham Lincoln aircraft carrier strike groups pawl hna an i thawh bak in Qatar ram cung ah cun rak hmuh a si cawlh tiah an chim.

US Secretary of State Mike Pompeo nih EU ram ah Germany foreign minister ton ding i a kal lio ah ruahlo pi in cu a timh mi cu a alet i Iraq cozah tu a va ton hna pin ah Greenland cozah he tu ton biaruahnak an tuah,cu caah US cozah nih thil tuah a timh mi a um ko tiah an chim.

Source: AFP

Author: Salai Ephraim