American Trump cozah nih cun Middle East ram chung a si mi Bahrain khuapi chungah hlung hlai taktak in ‘economic workshop’ cu june 25 in tuah a timh.hi tuah a timh ah hin itel ve dingin Middle East ram chung vialte hna cu itel ve dingin US nih official te in a sawm dih hna.asinain in a tu tiangah cun Isreal, Labanon, Egypt ram hna lawng nih telpi an timh hna tiah an chim.
Trump cozah nih hi tibantuk in tuah a timh mi kongah Palestinian President Mahmoud Abbas nih cun American cozah nih a timhtuah mi Bahrain khuapi chungah ‘economic workshop’ a tuah nak ah cun kan nih cu kan itel hrimhrim lai lo.cun, hi ‘economic workshop’ah hin Middle East ram vialte hna zong nih an telpi awk a si loh tiah a chim.
Cun America cozah nih hi thil tuah a timh mi hi Middle East ram buaitertu a si tiah a chim.Palestinian President Mahmoud Abbas nih hi tibantuk in bia a chim mi hi Trump cozah nih a timh mi konghe pehtlai in ni zan ah khan Ramallah khua ah Fatah Youth Movement hruaitu pawl hna he ton biaruahnak an nei i,cu lio ah cun Trump nih Middle East ah remdaihnak (Deal of the Century) tiah ser a timh mi cu kan cohlang kho loh tiah a chim.
Palestinian President Mahmoud Abbas nih cun Jerusalem le Palestine ram hna hi cawk dingah chiah mi le zuar mi ram kan si loh.cu caah Palestinian ram hruaitu hna nih cun kan ram chung a si mi paoh ah independent kan hmuh khawh nak ding caah cak chin in rian kan t’uan lai tiah a chim. President Donald Trump nih kum 2017 December lio ah khan Israel khuapi siding ah Jerusalem cu cohlan nak a rak tuah caah Trump rian t’uan nak paoh telpi lo in dohtu si kha an i zuam cang.
Source: BBC
