American Cozah Nih Iran Ram Le Iran He Rian A Tuanti Mi Ram Vialte Zong Hremdih Dingin A Chim Cang

American president Trump nih cun Iran cozah konghe pehtlai in hriamnam hmanglo in biaraltu in ka doh lai i,a rauh hlan ah Iran ram kongah biachahnak ka tuah dingmi cu vawlei pi theih in thawnhzamhnak kan tuah colh lai tiah a rak chim cang.nai te i American cozah drone pi mawngtu pilot um lo in in a thlahmi US surveillance drone cu Iran cozah nih thla bak in a rak kah piak mi kongah Iran cozah le Iran cozah he rian a t’uanti mi ram vialte hna kongah biachahnak cu a tuah taktak cang.

Iran cozah nih US surveillance drone a kah hlan ah hin Iran nih Oil tanks tilawng pahnih a rak kah cang hnu ah US surveillance drone cu Iran ram cozah nih pal lo dingin Para kan kham mi red line a lamh caah kan kah mi a si tiah ralt’ha taktak in Iran Supreme Leader Ayatollah Ali Khameinei nih cun zum or map an sual mi he fianternak a tuah.asinain American cozah nih cun Iran nih US surveillance drone a kah nak hmun hma hna cu international airspace zawk bak a si tiah a chim ve.

Cun, Trump nih Iran ram he rian a t’uanti mi ram vialte nih Iran ram he i pehtleihnak le rian nan t’uanti nak cu nan mak awk a si cang tiah warning a rak pek dih cang hna pin ah a tu ah cun hi tin a chim t’han,”Iran cozah nih Oil tanks tilawng pahnih an kah nak kongah le US surveillance drone a kah nak kongah mawh a phurtu or a ingtu ding hna cu Iran Supreme Leader Ayatollah Ali Khameinei le a ralkap hna lawng si lo in Iran cozah he rian a t’uanti mi ramvial te hna zong an itel”tiah a chim.

Cun, Iran ram cu an lamkip in rian an t’uan nak ah American cozah nih a phih lai pin ah an mah he rian a t’uanti mi ram vialte hna zong an luat hlei lai lo, Iran cozah cungah American nih a tuah ning bantuk in an cung zongah a tuah ve t’hiam t’hiam lai tiah a chim.a mah belte American nih Iran le Iran ram he rian a t’uanti mi hna cungah tuah a timh mithil hi American cozah nih rian rang tein tuah le t’uan a timh mi a lo loh tiah an chim.asinain Iran ram kongah cun tuzarh chungin thawk a si lai tiah an chim.hi kongah UN nih cun Iran le Iran ram he rian a t’uanti mi hna cungah American nih tuah kongah international law phunghram hna cu zei hmanh ah a relti lo tiah a chim.

Source: BBC