American Cozah Nih Iran Ram Lei Ah A Hriamnam Tihnung Patriot Missile Defence System A Kuat Than Nawl

American cozah nih a hriamnam t’ihnung USS Abraham Lincoln strike group Iran ram lei ah a thlah hnu in zahan ah khan Patriot missile-defence system pi cu Middle East ram lei ah a kuat t’han rih tiah an chim.a mah belte a hriamnam Patriot missile-defence system hi cu Iran ram chungah luhter lo in Middle East ram in Iran cawlcangh ning zohtu ah a kalter mi a si tiah an chim.

American B-52 bombers photo.

 

Cun nizan i Middle East ram cungah US nih bomb thlaknak a vanlawng pi B-52 bombers an hmuh mi zong Qatar ram chungah Iran cawlcangh ning zohtu ah chiah a si cang tiah Pentagon nih fianternak a tuah cang fawn.US nih Iran ram lei ah a kalter mi hna chawn bia duh lo in a rak hnawl hna a si ah cun zei hmanh chim lo in US nih a kah cawlh lai tiah an chim.

 

Cun Iran cozah nih a ram chung mi US hna kut in an humhim khawh nak hnga dingah Iran khuapi Tehran in biatak tein t’aan a la cuahmah ve i a cawlcangh ning zoh tik ah US cu chawnh a tim hraw rih lo pin ah a nuclear hriamnam hna zong hmanhcia bak in a chiah fawn hna tiah an chim.a si na in a tu tiangah cun US nih Iran kah taktak dingah a ralkap pawl hna cu order a peh rih hna lo.

 

US nih hin Iran cozah cu va kah si lo in hmai tonh ton biaruahnak neihpi dingin Iran cozah caah Inn ka a awn piak peng ko rih.cun Iran nih US ton a duh lo a si ah cun Washington nih a ralkap pawl hna zei maw zat kuat t’han a timh rih tiah Pentagon nih statement a chuah t’han rih.

Source: BBC

Author: Salai Ephraim