Nai teah khan Saudi ram Oil phurtu tilawng le Singapore tilawng hna cu Gulf of Oman rili an phanh bak ah Iran, Islamic Revolutionary Guard Corps pawl hna nih an rak kah piak hna.asinain hi thil kongah Iran cozah nih cu kei mah tuah mithil a si lo American cozah nih sual a ka phawt mi cu ning canglo thil a si.ziacahtiah hi thil hi kei mah tuah mi cu siseh law fiang tein kaa chim ko lai. ka tuah mi a si lo caah zei hmanh theih mi ka nei lo tiah a pheh peng.
Asinain American cozah le Israel cozah hna nih cun hi thil hi Iran cozah ralkap thil tuah mi a si,Iran nih a pheh biatu a si,cun hi thil kongah Iran nih a tuah mi bak a si tiah tehte t’ha kan neih rih lo caah cikhat caan rak kan pe ulaw,Iran nih hi tilawng pahnih a rawh lio le a kah lio bak kan in hmuh hna lai tiah Pentagon nih a rak chim cang.cu hnu ah US Department of Defense nih a chim mi cu Persian Gulf ah a um mi US cozah ralkap hna nih hi tilawng pahnih kah an si lio cu fiang tein an rak hmuh ko tiah a chim.
US Department of Defense nih cu bia a chim hnu ah Iran, Islamic Revolutionary Guard Corps pawl hna nih tilawng pahnih an kah lio hna cu a hman thlak/photo bak in a rak lak i cu hmanthlak vialte hna cu Iran hmaika bak ah mah hi na tuah mi a si lo maw tiah an phozar piak.cun Iran nih mah bantuk thil a tuah mi kongah hmanthlak kan neih mi hna hi midang sin in kan hmuh mi a si loh,US Navy helicopter bak nih hman a rak thlak mi hna photo an si tiah an chim fawn.
Secretary of State Mike Pompeo nih cun zahan ah international hruaitu pawl hna cu lakhruak ton biaruahnak a neihpi hna i Persian Gulf rili vel chum in Gulf of Oman le strait of hormuz rili pawng ah a um kal mi hna cu an nun nak a him hrimhrim ti lo ruangah i ralrin taktak kan herh.cu vel chum hna ah cun midang t’ih awk le phan awk cu an um hrawlo, Iran cozah hi a si ko caah international hruaitu hna nih biatak tein kan ven a hau cang lai tiah a chimh hna.
Cun Iran Revolutionary Guard troops pawl hna nih hi tibantuk in tilawng pahnih an rawh nak hi US drone hna cungah thil zei maw tuah a timh ruangah a kah chih sualmi si dawh a si tiah an chim.asinain hi biathar mi kongah Iran nih lehnak zei hmanh a chim hraw rihlo.
Source: CNN