American cozah nih Middle East ram chung a si mi Bahrain khuapi chungah American sponsored economic workshop ti mi tuah a timh i cu economic workshop caah cun ramkip ton biaruahnak nei dingin a sawn hna.asinain US cozah le Iran cozah buaibainak ruangah ram tam u hna nih cun leh nak an tuah rihlo i a sawm mi hna chungin Jordan, Egypt, Morocco ram pathum hna lawng nih kan i telpi hna lai tiah lehnak an tuah khawh tiah senior White House official nih an chim.
Nichuahlei Middle East ram chung Egypt, Jordan lawng nih telpi khawh dawh an si i Israel ram belte cu a aram chung buainai nak ruangah i tel khawh dawh a si lo tiah an chim.American cozah nih hi thil tuah a timh ning tein a tlamtlin ko a si ah cun June 25-26 karlak ah economic workshop cawn nak neih ding a si.cun hi economic workshop cawn nak an thawk tik ah Palestine cozah kong zong ceih chih a si fawn lai tiah an chim.
Asinain Palestine media pawl hna nih an chim ningah cun American Trump cozah nih Middle East ram chungah economic workshop cawn nak le ton biaruahnak neihpi dingin rian a t’uan mi hna hi Palestine cozah kongah biachah nak tuahpi aa timh mi tu a si deuh tiah an chim.cun hi tonbiaruahnak ah hin US nih Palestine zong t’ha tein a sawm ko na in Palestine nih cun an rak hnawl tiah an chim.
Palestinian Authority President Mahmoud Abbas nih cun US nih Middle East ram chungah economic workshop cawn nak a tuah mi hi thil t’halo taktak a si pin ah Middle East ram chungah remdaihnak tuah lo in pakhat le pakhat ralserter a kan duh bia a si caah Palestine nih cun kan co hlan kho bak hna lo tiah a chim.cun hi ton biaruahnak chungah US le a sawm mi ram hna nih nan mah nawl in Palestine ram kongah biachahnak nan tuah awk a si lai lo.
Cun Pelestine ram mi konghe pehtlai in biachahnak nan tuah a si ah cun,cu nan biachahnak hna cu zei hmanhlo bantuk men an si lai,zeicahtiah Palestine nih kan in cohlang hna lai lo tiah a chim.
Source: CNN
