North Korea cozah nih a neih mi tilawng cu international law phunghram buar in Indonesia le China ram chungah a duh paoh in meihol alh kho le zinaan, chiti tibantik a zuar leng mang caah US justice department hna nih kan hnu lei ah khan a tleih piak.US justice department nih hi thil an tuah mi hi North Korea cungah a voi 1nak thil an tuah a si.
North Korea foreign ministry nih cun North Korea cozah nih international law phunghram kan buar nak a um lo,hi thil kan tuah mi hi Trump le Kim Jong Un nih ton biaruahnak an rak neih lio ah biachahnak an rak tuah mi chungah an rak telh mi ning tein kan um kal ter mi a si.cun North Korea cozah nih international law kan buar a si lo i Indonesia cozah bawmh nak ah kan hman mitu a si deuh tiah a chim.
Cun US cozah nih cun hi North Korea tilawng cu ni 60 chung um kal kho lo dingin biachahnak tuah piak a timh,asinain North Korea cozah nih cun US courth nih biachahnak tuah piak a timh mi hna cu an duh ve lo i hi tilawng cu a ran nak in nan kirter ah a t’ha deuh tiah an chim.cun hi North Korea tilawng hi Washington cozah kut ah a um caah US cozah nih a duh ah cun a zuar khawh tiah US court nih an chim.
Cun US officials nih North Korea cozah nih nuclear hriamnam a neih mi a rawh dih hlan paoh cu kan chuahter lai lo i North Korea ram cu harsatnak a tawng cuahmah chin cang lai tiah a chim.cun North Korea cozah nih US cu zei tik hmanh ah a kan hneksak awk le kan duhlo mi thil tampi a tuah awk a si lai lo tiah an chim.
Source: CNN
