Turkey cozah nih cun Russia cozah nih a neih mi ralthuam chung in t’ihnung bak mi S-400 cu ka cawk lai tiah caan sau nawn pi a rak i hrocer.asinain cu thil cu American cozah nih a duhlo i Turkey cozah cu hi thil na cawk a si ah cun American nih nan ram chungah bawnhchanhnak a rak tuah tawn mi vialte hna cu phih/khar piak na si lai tiah a chim ve.cu pin ah American cozah nih hin Turkey cozah cu Russia S-400 caw bak lo dingin caan saupi a lem i nawlpatnak zong a rak tuah.
Turkey cozah nih cun Russa S-400 hi cawk bak dingin biachahnak kan rak tuah cangmi a si caah a zei ti hmanh i a let kho kan si ti lo kan cawk ko lai tiah bialehnak a rak tuah.Turkish President Recep Tayyip Erdogan nih cun biachahnak kan rak tuah ning te in American cozah cu hnawl an si iTurkey nih Russia R-400 cu felfai tein kan cawk taktak cang. Russia-400 cu July thla chungah Turkey ram ah luhpi a si cang lai tiah an chim.
Turkish President Recep Tayyip Erdogan nih cun hi thil kan cawk mi ruangah mi zei hmanh nih nawl an kan neih kho lai lo tiah a chim chap.Pentagon nih cun Turkey cozah nih Russia R-400 a cawk taktak a si ah cun July thla 3 ah khin American cozah nih a ram chungah Turkey cozah ralkap zei maw zat a umter mi hna F-35 fighter pilot pawl hna cu an dihlak in Turkey ram ah a t’hawl dih hna lai tiah a chim.
Secretary of Defense Patrick Shanahan nih cun naite ah khan Turkey cozah cu Ca a kuat hna i Russia R-400 cawk dingin biachahnak nan tuah ruangah na cozah ralkap American ram ah raltuknak banlawng mawngh cawng dingin biachahnak rak tuah cangmi hna cu ra t’hanlo dingin hnawl nan si tiah a rak chim bal cang.cun Turkey cozah nih hi thil a cawk hnu cu American nih Turkey cozah cu a duh ning paoh in bia a chim ngamti lai lo pin ah Turkeu cozah hi t’ihnung an si kho cang tiah an chim.
Source: BBC
