American cozah ralkap le a hawi le hna nih ISIS ralhrang an kah hna nak ah kum 2014 in a tu tiangah civil mi hna minung 1,300 bak a thah ko hna.US cozah ralkap hna nih ISIS ralhrang a doh hna nak ah a luacia kum 5 lio ah khan civil mi minung 34,502 bak a rak thah cang.
A tutan ah US ralkap hna nih civil mi an thah sual hna nak kong chim fiannak le thawngthanhnak a tuah mi cu UK ralkap hna nih cun an zum hna lo i US ralkap nih ISIS a kah hna nak ah civil mi tamtuk a thah cang hna na in 1,300 te lawng ka thah tiah a langhter tiah an rak chim ve.
Cun US cozah ralkap hna nih cun a luancia kum 8 lio ah ISIS a rak kah lio ah civil minung 1,100 ka rak thah cang hna tiah a chim.asinain Amnesty International senior crisis response advisor Donatella Rovera nih cun US cozah ralkap hna le ISIS a dohpi mi a hawi le hna nih civil an thah mi hna kongah biahman an chim bal lo tiah a chim.
Cun Amnesty International senior advisor Donatella Rovera nih a chim ningah cun kum 2017 kum lio lawng hmanh ah US cozah ralkap hna nih ISIS ralhrang hna cu thla nga chung an rak doh hna i,cu thla nga chung lawng hmanh ah cun Syria ram chung a si mi Raqqa khuami lawng hmanh minung 1,600 rak an rak thah hna.US cozah ralkap nih IS an kah nak ah civil mi an thah mi hna an chim ning cu ningzat thil ngai a si tiah a chim.
Source: BBC
